【𝖴𝖭𝖨𝖢𝖮𝖣𝖤】
Chapter 55
လုမိသားစုမှာ မထင်ထားစရာတစ်ခုခုဖြစ်ပျက်သွား၏။
လုမိသားစုရဲ့ ဒုတိယမျိုးဆက် သိက္ခာရှိပြီး အမြဲတမ်းလိုလို တည်ငြိမ်ပြီး ကျော့ရှင်းရည်မွန်တဲ့ လူကြီးလူကောင်းတစ်ယောက်ဖြစ်တဲ့ လုလင်းယွမ်ဟာ သူ့ကိုယ်သူ ဒဏ်ရာရအောင် လုပ်ခဲ့တယ်။
အပြင်းအထန်ကို ဒဏ်ရာရခဲ့တာ!
ကောလဟာလတွေအရ သူဟာ နောက်ဆိုရင် လိင်မှုဆက်ဆံမှုကို ပြုလုပ်လို့ မရနိုင်တော့ဘူးတဲ့လေ!
ပြီးတော့ လူချမ်းသာအသိုင်းအဝိုင်းက လျှို့ဝှက်ချက်တွေဆိုတာက သိသွားတာနဲ့ အမြဲတမ်း အတင်းအဖျင်းပြောတတ်ကြသည်။ အဲ့နေ့က လုလင်းယွမ် အရေးပေါ်ခန်းထဲ ဝင်သွားတာကို လူတော်တော်များများကလည်း မြင်လိုက်ကြတာမလို့ နွေရာသီ တံခါးပိတ်လေ့ကျင့်ရေးစခန်းမှာရှိနေခဲ့တဲ့ ချူယင်းတောင်မှ လိုင်းပေါ်ကနေ အဲ့အကြောင်းနဲ့ပတ်သက်တဲ့ အတင်းအဖျင်းပို့စ်တစ်ချို့ကို မြင်တွေ့လိုက်ရသေး။
အမျိုးသမီးတွေကို နှိပ်စက်ရတာ ကြိုက်တယ်မလား။ လူကို ရိုက်ဖို့ ကျာပွတ်တွေ ဘာတွေပါ သုံးတဲ့အထိဆိုတော့လေ? တရားမဝင်စီးပွားရေးတွေပါ လုပ်နေတယ်ပေါ့?
ဒါဆိုရင်တော့ သန့်သွားအောင် ငါ သန့်ရှင်းပေးရမှာပေါ့။
အခင်းဖြစ်ပွားခဲ့တဲ့ စွန့်ပစ်စက်ရုံပျက်ဟာ ညတွင်းချင်း ရှင်းပစ်ခြင်းခံခဲ့တယ်။ နယ်မြေခံရဲတွေ သတင်းရလို့ အခင်းဖြစ်ရာကို အလျင်အမြန်သွားတဲ့အခါမှာ အခင်းဖြစ်ရာနေရာက ပျက်စီးသွားခဲ့ပြီပဲဖြစ်၏။
အဲ့နေရာမှာ ဒုစရိုက်လုပ်ငန်းလုပ်တဲ့နေရာတစ်ခုအဖြစ် အသုံးပြုခဲ့ကြောင်း ဘာသက်သေမှမရှိတော့ပေ။
ဒီလောက်ကလေးနဲ့ လုလင်းယွမ်ကို ရိုက်ချနိုင်ဖို့က မဖြစ်နိုင်ဘူးဆိုတာ ချူယင်းအနေနဲ့လည်း သိပေမဲ့ ကံကောင်းထောက်မစွာနဲ့ပဲ သူ လျင်လျင်မြန်မြန်လှုပ်ရှားခဲ့လို့ပေါ့! အနည်းဆုံးတော့ သူ့ရဲ့ ရာဇဝတ်မှုလုပ်နေတဲ့ ကိရိယာတန်ဆာပလာတွေ ဖျက်ဆီးပစ်စေနိုင်ခဲ့တယ်လေ!
YOU ARE READING
ဇာတ်လိုက်ရဲ့အချစ်ဦး 『𝖢𝖮𝖬𝖯𝖫𝖤𝖳𝖤𝖣』
Teen Fiction《 𝖲𝗍𝖺𝗍𝗎𝗌: 𝖢𝗈𝗆𝗉𝗅𝖾𝗍𝖾𝖽 》 𝖬𝗒𝖺𝗇𝗆𝖺𝗋 𝖳𝗋𝖺𝗇𝗌𝗅𝖺𝗍𝗂𝗈𝗇 𝗈𝖿 ❛偏执男主白月光我不当了❜. 𝖮𝗋𝗂𝗀𝗂𝗇𝗂𝖺𝗅 𝖺𝗎𝗍𝗁𝗈𝗋: 赵史觉 𝖤𝗇𝗀𝗅𝗂𝗌𝗁 𝗍𝗂𝗍𝗅𝖾: 𝖨 𝖺𝗆 𝗇𝗈𝗍 𝖿𝗂𝗍 𝗍𝗈 𝖻𝖾 𝗍𝗁𝖾 𝖬𝖺𝗅𝖾 𝖫𝖾𝖺𝖽'𝗌 𝖥𝗂𝗋𝗌𝗍 𝖫𝗈𝗏𝖾 𝖲𝗍𝖺𝗍�...
