chapter -41-[ယိုပြုလုပ်ခြင်း]
အဖွားလု ခြင်းအသေးလေးကိုကြည့်ကာ တုံ့ဆိုင်းနေမိသည် ။
" ဘယ်သူကများ ဒီလိုတောင်းသေးသေးလေးတွေကို အလိုရှိရတာလဲ ။ "
အဖွားလုက လုလင်းကိုမနှစ်သက်တဲ့အတွက် လုလင်းလုပ်သမျှကိစ္စတွေကို ဟုတ်သော်ရှိ၊ မဟုတ်သော်ရှိ အပြစ်တင်ဝေဖန်လေသည် ။ သို့သော်လည်း လုလင်းက ယခုချန်းရှောင်မီနဲ့ လက်ထပ်ပြီးပြီ ဖြစ်တာမို့ သူဘာမှ လုပ်လို့တော့ မရပေ ။ လုလင်း သူမခိုးယူနေတာ ကိုဖမ်းမိတယ်လို့ ပြောဆိုတဲ့ကိစ္စဖြစ်ပြီးတည်းကပင် သူ လုလင်းကို ရန်မစရဲတော့တာဖြစ်သည် ။
သူမရဲ့ လုပ်ဇာတ်နဲ့ပတ်သတ်ပြီး ရွာသူကြီးဆီက သတိပေးခြင်းကိုသာခံရပေမယ့် ချန်းရှောင်မီကတော့ သွားရှုပ်လို့ရတဲ့ သူမဟုတ်ပေ ။ ပြီးတော့ တကယ်တမ်း လုလင်းကို ချန်းရှောင်မီဆီ သူတို့ရောင်းပြီးပြီဖြစ်သည် (ချန်းရှောင်မီရဲ့ အပိုင်ဖြစ်သွားပြီ)။
" ကျွန်တော်ကြားတာတော့ လုလင်းက လက်မှုပညာသည်လင်းဝမ်ကို ခြင်းတစ်ခြင်းစီတိုင်းအတွက် ၅ ဆင့်ပေးခဲ့တယ်လို့ ကြားတယ် ။"
လုစုန်းရှီ က ပြန်ပြောသည် ။
လင်းဝမ်ဆိုတာ နှီး ၊ ဝါး ခြင်းတောင်း ၊ ဝါးကုလားထိုင် ၊ ဝါးကွပ်ပြစ် စသည့်တို့ကို ပြုလုပ်ပေးသော ပညာရှင်ဖြစ်သည် ။
လုစုန်းရှီက လုလင်းရဲ့ စတုတ္ထဦးလေး ဖြစ်သူ လုအန်းရဲ့သားဖြစ်ပြီး ဒီနေ့ ဘယ်ရီသီးကောက်ကြတဲ့ ကလေးများအုပ်စုထဲတွင် ပါသည် ။ လုအန်းပဲဖြစ်ဖြစ် ၊ လုစုန်းရှီပဲ ဖြစ်ဖြစ်သူတို့က လုလင်းကို လေ့လာနေကြတာဖြစ်သည် ။ လုစုန်းရှီက ကောဖြစ်တဲ့ ချန်းရှောင်မီဆီကို လက်ထပ်ဝင်မယ်ကြားရတဲ့အခါ ပိုပြီးရွံရှာသွားမိသည် ။ အမျိုးသားတစ်ယောက်ဖြစ်ပြီး ကောရဲ့မိသားစုထဲကိုလက်ထပ်ဝင်ရတာတဲ့။ အဓိပ္ပာယ်မရှိလိုက်တာ ။
လုလင်းရဲ့အမေ အသက်ရှိစဉ်တုန်းက လုထောင်နဲ့ လုစုန်းရှီရဲ့အမေ တို့က အနိုင်ကျင့်နေကြဖြစ်တာကြောင့် သူတို့က မီးဖိုချောင်ထဲမှာ အလုပ်မလုပ်ကြရပေ ။ လုလင်းရဲ့ အမေသေသွားတော့ သူတို့နှစ်ဦးလုံးက သူတို့တာဝန်ကို အချင်းချင်း လွှဲပေးနေကြသည် ။
BẠN ĐANG ĐỌC
ကုန်စုံဆိုင်နဲ့အတူ ရှေးခေတ်သို့ကူးပြောင်းခြင်း(MMtran)
Viễn tưởngAuthor. - Ye Yilou English translator. - Yuel-23 Status - Complete Genre . - Fantasy Romance, Slice Of Life,Yaio Notice --- Just Translation Description -လုလင်း( Lu Lin )သည် မြို့ကြီ...
