chapter -87-[ကောလေးမွေးပြီ]
ဆောင်းရာသီရဲ့ တတိယမြောက်နှင်းကျတဲ့နေ့မှာ ချန်းရှောင်မီ မွေးဖွားသည် ။
" ဂုဏ်ယူပါတယ် သခင်လင်း ချောမောလှပတဲ့ ကောလေးပါ "
လက်သည်က ပြုံးပြီးပြောသည် ။
လုလင်း အတွင်းထဲက ဆင့် ၂၀၀ ပါတဲ့စာအိတ်နီကို ကံကောင်းခြင်းငွေအဖြစ် လက်သည်ဆီပေးလိုက်သည် ။ လက်သည်က အလွန်ကျေးဇူးတင်စွာနဲ့ စာအိတ်နီကိုယူသွားသည်။
လူများစွာက ကောလေးမွေးတာကိုမကြိုက်ကြပေ ။ သူနောက်ဆုံးမွေးဖွားပေးခဲ့တဲ့မိသားစုက ကောလေးမွေးလာတာကို မရည်ရွယ်ဘဲပြန်တွေးမိသွားသည် ။ သူတို့က အခန်းထဲကနေလေအလျင်နဲ့ထွက်သွားကြပြီး စာအိတ်နီပေးဖို့နေနေသာသာ ဘယ်သူမှသူ့ကို ကျေးဇူးတင်စကားတောင်မပြောကြပေ ။
လက်သည်က လုလင်းရဲ့ဝမ်းသာအားရအမူအရာကိုဆန်းစစ်တဲ့အခါ ထိုလူက တကယ်ဒီကလေးကို သဘောကျနေတာဖြစ်သည် ။
လက်သည်က သူကြားထားဖူးတဲ့ကောလဟာလတွေအရ လုလင်းက မကြိုက်ကြောင်းကိုမပြသရဲတာဖြစ်မည်ဟု ခံစားရသည် ။ နောက်ဆုံးတော့ ချန်းရှောင်မီဟာ ရက်စက်ကြမ်းကြုတ်တဲ့လက်တွဲဖော်ဖြစ်သည် ။ လုလင်းသာသဘောမကျတဲ့အရိပ်အယောင်ပြမိရင် ချန်းရှောင်မီရဲ့အထုအထောင်းကိုခံရလိမ့်မည် ။
ချန်းရှောင်မီ ပင်ပန်းလွန်းတာကြောင့် မှိန်းခနဲအိပ်ပျော်သွားသည် ။
လုလင်းကလေးအရုပ်လေးကို ပုတ်ခတ်ပုတ်ခတ်ကြည့်လိုက်သည် ။
ကလေးက မျက်လုံးမှိတ်ပြီးနှစ်နှစ်ခြိုက်ခြိုက်အိပ်ပျော်နေသည် ။ ဘေးနားကလူတွေရဲ့အကြည့်က သူ့အပေါ်ဘာမှမသက်ရောက်သလိုပင် ။
လုလင်းက ကလေးနံမည်ကို ချန်းယုလို့အမည်ပေးပြီး အိမ်နံမည်ကို ယွမ်ပေါင်လို့ ခေါ်စေသည်။
(Yuan Bao - ရွှေချောင်းလေး )
ချန်းရှောင်မိုင်က ကလေးကိုကြည့်ပြီးပူပန်စွာပြောလာသည် ။
" ဒါ သားရဲ့တူလေးလား အရမ်းရုပ်ဆိုးတာပဲ "
လုလင်း ချန်းရှောင်မိုင်ကိုတစ်ချက်ကြည့်ပြီး ပြောလိုက်သည် ။
YOU ARE READING
ကုန်စုံဆိုင်နဲ့အတူ ရှေးခေတ်သို့ကူးပြောင်းခြင်း(MMtran)
FantasyAuthor. - Ye Yilou English translator. - Yuel-23 Status - Complete Genre . - Fantasy Romance, Slice Of Life,Yaio Notice --- Just Translation Description -လုလင်း( Lu Lin )သည် မြို့ကြီ...
