chapter -96-[ဒုက္ခတွေလျော့သွားပြီ]
ချန်းမိသားစုတွင်-
အဖွားချန်း သူ့ရဲ့ပိုက်ဆံအိတ်အလွတ်ကိုကြည့်ပြီး သက်ပြင်းချလိုက်သည် ။
" ငါ့ဘဝက ဘာလို့ဒီလောက်တောင် အရမ်းခါးသီးနေရတာလဲ "
အရင်က ချန်းကျင်းအတွက်ပြသနာဖြေရှင်းပေးဖို့ အလျင်လိုနေတာမို့ အကျိုးဆက်ကိုအလေးအနက်စဉ်းစားဖို့ အချိန်နဲ့အင်အား မရှိပေ ။ အခုတော့ ပြသနာပြေလည်သွားပြီမို့ စတင်၍ အောက်မေ့တမ်းတနေမိတော့သည် ။
ငွေပြား ၅၀က သေးငယ်တဲ့ပမာဏမဟုတ်ပေ အဖွားချန်းက သူ့ရဲ့စုဆောင်းငွေအားလုံးကို ထည့်ခဲ့ရသည် ။ အဖွားချန်း ငွေတစ်ပြားမှမရှိတဲ့ ပိုက်ဆံအိတ်အလွတ်ကိုကြည့်ပြီးနောက် ကောင်းကင်ကြီး လည်နေပြီး ကမ္ဘာမြေပြင်ကြီးပတ်ချာလိမ့်နေသလို ခံစားရသည် ။
အဖွားချန်းက ချန်းကျင်းကို အနှစ်သက်ဆုံးဖြစ်သော်လည်း အခု ချန်းကျင်းကို သူဒေါသထွက်နေသည် ။ ချန်းကျင်းကို ခွင့်လွှတ်ပေးလိုက်ဖို့က မိုက်မဲလွန်းသည်ဟုခံစားရသည်။ သူ အဲ့ဒီလူဆိုးတွေဆီကနေ တကယ်ကြီးအတိုးနှုန်းနဲ့ငွေချေးလာသည်။ သူစောစောစီးစီး ဝန်ခံနိုင်ခဲ့ရင် အတိုးနှုန်းအများကြီးပေးစရာမလိုပေ ။ သူသာအစောကြီးထဲက ဝန်ခံခဲ့မယ်ဆို လယ်မြေငါးမူကိုရောင်းလိုက်ဖို့မလိုပေ ။
အဖိုးလုက တိတ်တဆိတ်နဲ့ဆေးတံမှုတ်နေပြီး ရက်ပိုင်းအတွင်းမှာ အိုမင်းလာသည် ။
အဖွားချန်းက အဖိုးချန်းကိုကြည့်ပြီးပြောလိုက်သည် ။
" ရှင်ဘာဆက်လုပ်မှာလဲ ဒီလိုမျိုးနဲ့ကျွန်မတို့ဘယ်လိုရှင်သန်နိုင်ပါတော့မလဲ "
အဖွားချန်း သက်ပြင်းချလိုက်သည် ။
" ငါတို့တွေ အခုတကယ်အလုပ်ကြိုးစားဖို့လိုနေပြီ ။ ဒီအချိန်မှာ လူတိုင်းကမျိုးစေ့ကြဲဖို့အလုပ်များနေကြတာ ကျင်းက လယ်အလုပ်အတွက်အဆင်သင့်ပဲ။ သူကအရမ်းငယ်သေးပေမယ့် သူ့ကိုငါတို့ အိမ်မှာနေပြီးဘာမှမလုပ်ပဲနေခွင့်မပေးနိုင်တော့ဘူး ။ "
အဖိုးချန်းက ရုပ်ပိုင်းဆိုင်ရာရော စိတ်ပိုင်းဆိုင်ရာပါ ပင်ပန်းနွမ်းနယ်နေသည် ။
YOU ARE READING
ကုန်စုံဆိုင်နဲ့အတူ ရှေးခေတ်သို့ကူးပြောင်းခြင်း(MMtran)
FantasyAuthor. - Ye Yilou English translator. - Yuel-23 Status - Complete Genre . - Fantasy Romance, Slice Of Life,Yaio Notice --- Just Translation Description -လုလင်း( Lu Lin )သည် မြို့ကြီ...
