BOND of LOVE ( Taekook ) [ SEASON 2 ] ( Completed )

Bond of Love : 8

Unicode

အပြန်လမ်းဟာ ထိုချာတိတ်လေးသိပ်ကြိုက်တဲ့Jazzသံစဉ်လေးနဲ့အတူ ငြိမ့်ငြိမ့်ကလေးပေါ့ပါးနေသည်။ခြံရှေ့ရောက်တော့ ကားတံခါးဖွင့်ကာ ဆင်းလာပြီး ခြံတံခါးဖွင့်ပေးဖို့ လုပ်သည်။သို့သော် ခြံတံခါး သံဗန်းကြီးရဲ့အစွန်းတွင် တွေ့လိုက်ရတဲ့ duty coatနဲ့သူကြောင့် မျက်မှောင်လေးတွေအလိုလိုကျုံ့မိသွားသည်။

"ဂျွန်~~"

နူးညံ့မှုအပြည့်နဲ့ ခေါ်သံက တစ်ချိန်ကသာဆို အရာအားလုံးပေးလိုက်ဖို့အထိ ဖြစ်ခဲ့ပေမယ့်အခုတော့ ဒေါသရိပ်သာလွှမ်းစေခဲ့သည်။

ဒီလူ ရောက်လာပြန်ပြီ။အရှက်မရှိတဲ့လူ။ဒီလောက် ရက်စက်ပြီးတာတောင် ဂျောင်ကုကို လွှတ်မပေးနိုင်သေးဘူး။

"ဘာလာလုပ်တာလဲ? အခုထွက်သွား!"

ဆေးရုံကနေ တန်းလာကာ စောင့်နေပုံပေါ်ပေမယ့် နည်းနည်းမှမကြိုဆိုမိတာမို့ လမ်းမဘက် လက်ညိုးထိုးကာ နှင်ထုတ်လိုက်သည်။သို့သော် ဒီလူက ဂျောင်ကုကို ကျော်ကြည့်ပြီး မျက်လုံးအရောင်တွေပြောင်းလာကာ...

"အဲ့တာ ဘယ်က ကောင်လဲ?ဘာလို့ညကြီးမိုးချုပ်ဘယ်ကမှန်းမသိတဲ့ကောင်နဲ့လျှောက်သွားနေရတာလဲ?"

"ဒေါက်တာကင်မ် သိဖို့မလိုပါဘူး~"

"လိုတယ် ! ကိုယ်က ဂျွန့်ရဲ့__"

"မပြောနဲ့ !ထွက်သွား! ခင်ဗျားမျက်နှာကို မမြင်ချင်ဘူး!"

တစ်ခါမမြင်ဖူးတဲ့ အဖိုးကြီးပေါက်စရဲ့ဒေါသတကြီးပုံစံလေးဖြစ်သည်။ခြံတံခါးသွားဖွင့်ပေးမယ်ပြောပြီး မလာတော့တာကြောင့် ထယ်ယောင်းပါ ဆင်းလိုက်လာလိုက်တာ။ဒီရောက်တော့ အငြင်းခုံဖြစ်နေကြသည်။ဘယ်လိုပတ်သက်လည်းတော့ မသိ အဲ့ဒီduty coatနဲ့လူက ပိုင်စိုးပိုင်နင်းပြောလွန်းနေပုံအရ နှစ်ယောက်သားဟာ မရိုးရှင်းမှန်းသိသည်။တော်ရုံစိတ်မဆိုးတတ်တဲ့သူက ဒီလူ့အပေါ် ခါးခါးသီးသီးဖြစ်နေပုံထောက်ရင် အမှားကြီးကြီးပြုမိထားပုံပဲ။

အတွေးထဲ ဒိုင်းခနဲဝင်လာတာ ပတ်သက်ဆက်နွယ်မှုတစ်ခု။အဖိုးကြီးပေါက်စကို စိတ်ဂနာမငြိမ်နဲ့ နှုတ်ခမ်းပါးတွေပါတုန်ယင်ကာ မျက်ရည်ကြည်တို့ဝေ့စေတဲ့ ဒီလူကို မြင်မြင်ချင်း စိတ်ထင့်နေမိသည်။ရင်ထဲက အမည်မသိတဲ့တင်းကြပ်မှုကပါ အလိုလိုကပ်ပါလာသည်။