رواية عقاب ابن الباديه الفصل السادس عشر .
- حييييه عليا حيييه من وين جبتيلي هالحكي أنت؟
سدينة
- هنن متفقين بعرف بعرررف اصلاً مبينه والرضيع يفهمها، واللي مايفهم اللي سونه بيكون جحش، لا والله ماحصل جحش.
وهنا فتحت عوالي فمها بصدمة ورفعت عصاها هذه المرة لتنزل بها على سدينه تضربها في كل مكان وتصيح:
- يعني انا ماحصلت جحش؟ ياكلبة الوديان يام قمل ودبان، واللله اليوم لاقص لسانك واعلقه برقبة جحش من اللي تقولين عليه، ، لا وليش لسانك.. اليوم نحلقلك عاللحم واخليكي تشبهين مسعود الأقرع، بلكي اذا خف الشعر عن مخك يدخله الفهم.. مايزه.. يااامايزه جيبيلي المقص قوااااام.
سدينه سمعت هذا الكلام وانتفضت واقفة وامسكت نعليها كُل بيد وجرت من أمام عوالي وهي تصيح... - واااااك اعليا خربوني وخلوني مااجيب ولاد، وفوقها الشيخه ودها تحلقلي شعراتي،، وين اروح منكم يالظلااااام ويييين ارووووووح.
عوالي
- العمى اللي يعميك ياسدينه صايره مهبوله واهبالك كل يوم يزيد عن يوم.
مايزه:
- اعذريها ياشيخه قلبها محروق وتعرفينها تغار والغيره حاميه.. ومن يعرف يمكن مكاسب بدت تجاكرها وتكايدها، هي اي عاقله بس تضل ضره والضره مره وتتلون متل الحرابي.
عوالي:
- شيعيلي على مكاسب الحين ودي اشوف الحق مع من.. والعايبه ياويلها مني.
اتت مكاسب على الفور مع مايزه وهي تعلم ماتريدها فيه الشيخه وجميع دفاعاتها حاضرة..
فدلفت للخيمة واول مااستهلت به حديثها:
- وغلاوة ابني اللي ولد خوكي حارق قلبي عليه ماقصدت لا اغورها ولا اجاكرها، ولا جه ببالي اني اكايد بوليدي وحيدي واباهي بيه..
وبعرف ان اللي يباهي ويغور بنعمه تزول من يده واني ولدي عندي بالدنيا كلها.. اني حلفتلك بالغالي تصدقي تصدقي ياعمتي ماتصدقي ويش ماتحكمي بيه يمشي على هالرقبه.
- يمكن ماغورتي ولا جاكرتي بس تسرسبتي في كلامك وماحسبتيله حساب وهالشي يوجع يامكاسب، راعي انك كنتي بمكانها وقصير تزوج عليكي لانك قليلة ولد، المفروض قلبك يكون فيه حن عاللي خذت مكانك وانت الله عوضك ورزقك.
- بهاي الحق معك ياعمتي اني دجيت كلامي دج وماحسبته،بس والله كنت نحكي من قهري على وليدي اللي بعده عني قصير وحرمه من حناني واحضاني ورماه رمية الكلاب الجربه.
- ويش عمل فيه قصير يعني لتحكي هالحكي؟
- يرضيكي ياعمتي يحرم عليه مجلسي وخيمتي ويحطه مع الصغار بخيمتهم، ويقوله لا تسمع كلام امك؟
- اي يرضيني يامكاسب، اتركي الوليد لابوه يربيه وحيري ببنياتك. خلص خلفتيه وكبرتيه وماعاد الك حكم عليه، صار أمره بيد أبوه.. صكري فمك واللي يصير على كل الحريمات يصير عليكي واللي يصير علي وليداتهم يصير على وليدك، قولن مافي غيرها جابت صبي؟
والحين يلا ردي لخيمتك واذا اسمع شكوي منك مره تانيه بعمل فيكي اللي مايعجبك يامكاسب يابنت خوي.
- امرك شيخه، اخر غلطه العفو والسماح منك.
أنت تقرأ
رواية عقاب ابن الباديه بقلم ريناد يوسف
Mystery / Thrillerقصه تدور حول تخلى الأهل عن ابنهم ونفيه في الصحراء وسط قبيلة بدوية لحمايته من القتل كما حدث لأخيه الأصغر، وأيضاً لثقله كي يعود قوياً ويستطيع مواجهة من أفسد حياته وحياة ابيه وحرمه من اخيه الوحيد، والذي لم يكن سوى عمه.. فتحول الطفل على يد شيخ القبيلة ل...
