صقر الليل «كاملة»

البارت الـ¹ لـ «صقر الليل»

البارت الـ¹
لـ صقر الليل

☆ عايزة أعرف رايكم فى بداية القصة، ومتنسوش الفوت يا حبايب قلبي ❤.

______________________

[ فى مكتب اللواء فريد ]

دخل سليم بهيبته وهدوءه المعتاد، عشان يعرف اللواء طلبه فى مهمة إيه المرادى، أتفاجى بوجود، شخصيتين أجمد من بعض، مش بيتطلبوا معاه غير لما تكون المهمة فعلاً دقيقة وصعبة ومعقدة..

ده لو كان بيدل على شيء، فبيدل ع إن المهمة المرادى غير أى مهمة..

اللواء فريد بهدوء: تعالى يا سيادة المقدم، اتفضل اقعد عشان أنت و نوح وكمان يونس لازم تسمعوا تفاصيل المهمة دى.. عشان نحدد مين فيكم هيقدر يكون جدير بالمهمة دى أكتر..

يونس بجدية: احنا سامعين يا سيادة اللواء اتفضل.

فريد اتكلم: المهمة دى بخصوص عيلة الشافعى.

نوح بتركيز: تقصد سليمان الشافعى تاجر السلاح اللى مش عارفين نمسك عليه حاجة!!

فريد بجدية: بالظبط..

يونس باهتمام: فى خطة جديدة!!

فريد: طبعاً، والمرادى الخطة غير، محتاجة وقت ومجهود..

سليم اتكلم أخيراً: وايه الخطة الجديده!!

فريد بجدية: الخطة ان واحد فيكم، هيدخل وسطهم، بس بشياكة، بهواية مختلفة، مش شخصيتك الحقيقة طبعاً.

يونس: بمعنى!!

فريد تنهد وكمل: بمعنى ان اللى هيروح، هيرو ع اساس انه عريس لبنتهم بمعنى ان الحد ده هيخلى سليمان الشافعى كبير عيلتهم يثق فيه ويعرفه كل خطواته..

يونس تنهد: مبداياً قبل ما حضرتك تكمل باقى التفاصيل أنا مش هنفع للمهمة دى..

فريد بهدوء اشمعنا يا يونس!!

يونس شاور ع وشه المشوه بالحروق وقال: لان ببساطة أنا لو اتقدمت لبنتهم هترفض..

فريد تنهد بحزن: سيادة المقدم مفيش حاجه اسمها كده.. أنتَ..

يونس مقاطعاً: أنا عارف انى مش هنفع للمهمة دى، مفيش حاجه..

فريد بابتسامة صغيرة: ربنا يوفقك يارب.

يونس هز راسه: متشكر جداً يا فندم، ممكن امشي وياريت حضرتك تقولى تفاصيل المهمة فى الفون عشان انا باجى من اسكندريه..

فريد: ليه بس انت مش عايز تشوفنا ونشوفك ولا ايه!!

يونس بسخرية: متشوفش وحش يا فندم..

فريد حس بالحزن عليه وسكت، يونس لم حاجته وحط الظنط ع دماغه كالعادة ونزل..

فريد بص لنـوح: وانت يا نوح باشا.