صقر الليل «كاملة»

البارت الـ³ لـ «صقر الليل»

البارت الـ³
لـ صقر الليل.
بقلم فيروز مُغازى.

رايـكم فى صور الأبطال ❤

☆ متنسوش الفوت يا صحاااابى ❤.

---------------------------------------
‏{رَبَّنَا هَب لنَا مِن أَزوَاجِنَا وَذُرِّيَّاتِنَا قُرَّةَ أَعْيُنٍ}

الساعة تمانية الصبح، كانت بتقرأ فى المصحف بعد ما صلت الفجر، وقعت عينيها على الآية دى، عيونها دمعت وحضنت مصحفها بتتمنى وتدعى تشوف حتة منه، بتترجى ربنا يرزقها الذرية الصالحة..

نوران بكل رجاء: يارب، نفسي فى حتة عيل، نفسي اشيل أولادى، مش فاهمة ليه لحد دلوقتي محملتش فى حتة منه ولا شوفت أولادنا، بس عندى امل..

وكلى يقين إنك مش هتخذلنى يارب.

أمير زى ما يكون حس بيها، قام من نومه لقاها جمبه ماسكة مصحفها وبتعيط، انتفض من مكانه واعتـدل فى جلسته بسرعة..

أمير بصوت اجشع اثر النوم: ننوران!! مالك يا حبيبت قلبي، بتعيطى ليه!!

نوران مسحت دموعها وابتسمت بتكلف: احم.. أبداً يا حبيبي، انا انا كنت.. هو.. يعنى..

أمير من غير ولا كلمة، خدها فى حضنه زى الطفلـة الصغيرة، وغمض عيونه بالـم ووجوع الدنيا.

نوران عيطت: أمير، هو هو أنا ليه لحد دلوقتي مش معايا حتة منك، طب مبخلفش وأنت مخبى عنى!!

أمير باس رأسها بحزن: والله ما فى حاجة من دى بس الخلفة دى رزق ونصيب، واحنا لسه رزقنا عند ربنا متشال..

نوران بوجع: متشال!! أمير أنتَ مش واخد بالك اننا كبرنا والعمر جرى بينا، ولسه الوضع زى ما هو!!!

أمير تنهد بشرود وحزن: سيبها على الله يا حبيبتى، ولو عايزة ممكن نتبنى طفل..

نوران بدموع: مش عايزة اتبنى طفل يا أمير انا عايزة حتة منك، من دمك، وواخد حتة من روحك..

أمير: والله اللى عند ربنا مش بعيد، وممكن ربنا يرزقنا قريب، والله ما فى حاجه بعيد عن ربنا..

نوران تنهدت: ونعم بالله.. معلش بقي صحيتك على نكد، أنتَ رايح الشغل دلوقتي، هروح اجهزىك الفطار
.
أمير باس خدها: لا مش هنزل شغل النهاردة، قاعدلك فى مشكلة!!!

نوران بابتسامة صغيرة: هو مفيش مشكلة اكيد، بس لو كنت انا السبب فـ شغلك اهم..

أمير ضمها لحضنه: مفيش أهم منك أصلاً، وبعدين انا لازم اقعدلك الكم يوم دول، أنتِ عارفة إنى مسافر.

نوران بياس: اه فكرتنى.

أمير: لو مش عايزانى اسافر، اكنسل المشوار ده.

نوران بسرعة: لا يا حبيبي، ده شغلك..

أمير: طب سيبنى اشبع منك بقي، أصلك بتوحشيني اوى يا نورى، والشغل هياخدنى منك الفترة الجاية.