البارت الـ³⁴
لـ « صقر الليل»
فيروز مغازى.
☆ متنسوش الدعم يا قمراتى ❤.
*********************************
همسة دخلت اوضة بنتها بتحاول تهدى على قد ما تقدر خوفاً من آن آسر يسمع منها كلمة، ساعتها من وبدون أدنى تفكير هيقتلها، لا ده هيدفنها عايشة !!!
همس ارتبكت: مامى خير فى حاجة !!
همسة: من غير ما أنفعل ولا أعلى صوتى، عايزة بس أسمع منك رد على سؤال.
همس بريبة: أكيد يا مامى اسالى !!
همسة قربت منها وقعدت جمبها.
وسالت بهدوء: هو أبوكِ ليه معزة عندك !! بتخافى على سمعته وعلى اسمه ومكانته بين الناس، بلاش بتخافى من ربنا الى أحسن من الكل !! ترضي يبقي غضبان !!
همس بلعت ريقها بتوتر: أكيد يا مامى.
همسة هجمت عليها وجابتها من شعرها بجنون:
- أمال ليه غضبتى ربنا وعملتى الذنب ده، ليه طلعتى عن طوعنا والواد عرف يضحك عليكِ، نسيتى نفسك، نسيتى أنتِ مين وابوكِ مين !!!
طب افتكرتى ربنا وأنتِ بتعملى المعصية دى !!
همس عيطت: ووالله العظيم مكنتش واعية.
همسة عيونها احمرت بغضب: أنتِ مش صغيره، ابوكى اداكى الثقة الكاملة، تروحى تسكرى وتشربي، أنتِ من امتى كده !! من أمتى احنا من النوع ده !!
همس بعياط وتوسل: أنا غلطت، بس والنبى يا مامى، ما تقولى لبابا، هيقتلنى، عشان خاطري.
همسة عيطت من التعب: مش هقدر أقوله حاجة أبداً، عشان خايفة عليكى يا همس، خايفة عليكى يا بنتى.
همس بدموع وعياط: مامى أنا محتاجلك، خليكى هنا جمبى، والله العظيم ما ليا غيرك.
همسة حضنتها بدموع: اعمل فيكِ ايه يا همس !!
همس بدموع: اقسملك بالله ما كنت واعية أبداً، غصب عنى، وصدقينى بدر هيرجع، هو ميعرفش انى حامل.
همسة بغضب: هو احنا لسه هنستنى بدر، ده عمل اللى عمله وخلع ومش هتشوفى وشه تاانى، أنتِ هتسمعى كلامى من غير ولا حرف.
همس: ققصدك ايه يا مامى !!
همسة بجمود: هتتجوزى حليم.
همس بمرارة: يبقي هو اللى قالك !!
همسة: ملوش لزوم الكلام، هتوافقى.
همس بدموع: طب أعرف بدر، هو حقه يعرف.
همسة بغضب: مفيش بدر تااااانى، انتهى!
همس بتوسل: هو هو لازم يكون عارف ان ليه ابن.
همسة: ولو مردش، هتعملى اللى هقوله.
همس بحزن: موافقة.
# رواية_صقر_الليل.
فيروز_مغازى.
YOU ARE READING
صقر الليل «كاملة»
Romanceهى لِيل ساكنٌ بنسماتِ ناعمةِ، سماءها معتمة كحياتها التعيسة تنتظر قمراً ينير سماءها، هو ظابط ملقب بـ الصقرِ، حاد الطباع، متبلد، يعيش فقط لعمله ولمهماته المعقدة، فـ يالصدفة عندما تكون هى أهم عنصر فى مهمته... رومانسية/أكشن/اجتماعية
