صقر الليل «كاملة»

البارت الـ⁴ لـ «صقر الليل»

البارت الـ⁴
لـ صقر الليل
فيروز مغازى.

☆ متنسوش الفوت يا حبايب قلبي ❤.

-----------------------------
فجاة الأنوار كلها اشتغلت، وأتفاجات بالعيلة، لا ده كل قرايبهم متجمعين، والڤيلة متزينة لحفلة عيد ميلاد فخمة جداً، بالونات فى كل مكان من لونها المفضل الأببض، أضاءة مريحة للعين والكل متشيك.

جنات اتسعت وبصت لنـوح: ايه ده!!

نوح ابتسلم وغمزلها: كل سنة وأنتِ طيبة.

جنات ضحكت بسعادة وبصتلهم، لقت الكل وعلى راسهم كارم بيغنوا.

- سنة حلوة يا جميل، سنة حلوة يا جنات، سنة حلوة يا جميل..

جنات بسعادة: إيه المفاجاة دى!! أنا مبسوطة والله مبسوطة أوى..

كارم قرب منهم وابتسم: كل سنه وانتِ طيبة يا حبيبت قلب أبوكِ.

جنات حضنته وعيونها مدمعة: وأنت طيب يا أحن بابى فى الدنيا، ممعقول كل ده ليا!!

كارم: طبعاً ليكِ يا روح قلبى، أطلعى بس بسرعة أوضتكِ البسي الفستان اللى جبتهولك، عشان الحفلة تبدأ بجد..

جنات هزت راسها وطلعت جرى على السلم الل كان هو كمان متزين، وعلى كل سلمة ورود لونها أبيض، من نوع الجورى..

كارم بص لنوح: تعالى أتفضل لحد ما تنزل..

نوح مردش عليه، وسابه وقعد ف حتة لوحده.

كارم اتغاظ منه، بس معلقش، عدى وقت طويل بعدها نزلت جنات بفستانها الأبيض، وشعرها الكستنائى بيرفرف حواليها كانت حقيقي زى الملايكة.

نوح مجرد ما لمحها، قلبه نبض بقوة غريبة أوى، عيونه كانت عليها بيتأملها، بيتأمل الملاك الرئي ده، عيونه كانت بتلمع، مش فاهم ليه مشاعره اتلغبطت فى اللحظة دى، ولأول مرة فى حياته يتهز قدام بنت، لا هو كيانه كله أتهز وكان واضح عليه جداً أنه بيتأملها، ومعجب بيها وبهيئتها الرقيقة.

جنات دورت بعيونها عليه، زى ما تكون عايزة تشوف ريأكشناته لما يشوفها، لاحظت نظراته حست قلبها اتخطف وبيدق فجاة..

إياد بمرحه المعتاد صفر: بالصلاة على النبى يا ولاد إيه ده، دى مش كيان بس اللى ملكة جمال عندنا العيلة كلها ما شاء الله..

همس ذغدته بتضحك: يا عم أهدى نوح شكله بيطلع نأر من ودنه وهينقض عليك.

نوح اتعصب والدم غلى فى عروقه، بس تجاهله تماماً، عشان الخطوة الجاية اهم..

قرب من السلم عشان هو ينزلها، سبقه كارم الى اتغاظ لما لاحظ نوح بيقرب معاه للسلم.

كارم بضيق: جاى ليه هنا حضرتك!!

نوح ببرود: جاى أخد حبييتى ولا فى مانع!!

كارم بغيظ أكبر: حبيبت مين يا عم انت!! بنتى حبيبتي أنا بس، فاااهم، دانا مستحملك عشان هى محتجالك فى شغلها غير كده لا..