البارت الـ⁸
لـ صقر الليل
فيروز مغازى.
☆ متنسوش الفوت يا قمرات، ومتنسوش الصلاة على النبى ❤
------------------------------
بعد ما مرت أيام، كانت خطوبة براء، الكل بيجهز ليها بسعادة حقيقة، أكرم كان اكترهم سعادة بـ ابنه، وحنين كذلك رغم ان قلبها وجعها على ابنها التانى يونس اللى لحد دلوقتي مظهرش ولا رد عليهم.
التجهيزات كانت شغالة على اكمل وجه فى ڤيلة أكرم الانصارى، الكل مشغول، إلا هو فى اوضته، مش عايز يخرج.
كنزى بتتصل بيه مش بيرد.
حبيب دخل باستغراب: أنتَ هنا والدنيا مقلوبة تحت عليك.
براء بسخرية: مانا جاهز أهو، عايزنى اعمل ايه تحت يا حبيب.
حبيب: مالك ياعم ما تبسط كده، هى العروسة وحشة ولا ايه!!
براء باختناق: مش فارقة، فى الحالتين مش بحبها ولا عايزها يا حبيب.
حبيب باستغراب: امال وافقت ليه!!
براء تنهد: عشان البنت صعبت عليا، محبتش اظلمها وعشان امى متزعلش.
حبيب: طب استهدى بالله كده، وقوم كده ظبط نفسك خلاص الخطوبة كملت والمعازيم بتيجى
براء بحزن: مش عارف افرح يا حبيب.
حبيب: معقول يا براء، هو انت بتحبها اوى كده!
براء: محبتش غيرها اساسا، بس مش فاهم هى فين ولا ممكن القيها إزاى.
حبيب: سيبها ع الله يا براء، اكيد ربنا اختارلك الخير.
براء هز راسه: ونعم بالله.
حبيب: يلا انزل بقي عشان تروح تجيب عروستك من الكوافير، ولا هتسيبها تيجى لوحدها!
براء وقف بهدوء: لا هروح اجيبها يا حبيب، تعالى معايا.
نزل براء مع حبيب، حنين لما شافتهم نازلين قلبها اطمن على ابنها.
أكرم: الحمدلله، كنت فاكر انه مش مبسوط.
حنين: ربنا يسعده يارب وافرح بيه.
أكرم: امين يارب، بس قوليلى ايه القمر ده!
حنين ضحكت: بكااااش هو انت شايف منى حاجة غير عيونى، أنا لابسة النقاب يا أكرم.
أكرم لف ايده حواليها: قمر فى كل حالاتك يا حنون، عيونك سبب جنانى اساساً.
حنين بخجل: بحبك أوى.
أكرم: وأنا كمان يا حبيبت قلبى.
حنين بتردد: أكرم، عايزة منك طلب.
أكرم ابتسم: اكيد يا عيونى.
حنين بحزن: كلم يونس.
أكرم بجمود: لا ومش عايز نقاش.
YOU ARE READING
صقر الليل «كاملة»
Romanceهى لِيل ساكنٌ بنسماتِ ناعمةِ، سماءها معتمة كحياتها التعيسة تنتظر قمراً ينير سماءها، هو ظابط ملقب بـ الصقرِ، حاد الطباع، متبلد، يعيش فقط لعمله ولمهماته المعقدة، فـ يالصدفة عندما تكون هى أهم عنصر فى مهمته... رومانسية/أكشن/اجتماعية
