صقر الليل «كاملة»

البارت الـ⁹ لـ «صقر الليل»

البارت الـ⁹
لـ «صقر الليل»
فيروز مغازى.

☆ متنسوش التصويت يا ولااااااد، متنسوش كمان الصلاة على النبى ❤

-----------------------------

هنا فريدة اتنرفزت وزقته بعيد عنها.

فريدة بدموع وعصبية: أنتَ عايز منى ايه!!

براء: عايزك أنتِ، عايزك عشان بحبك.

فريدة مسكت دماغها: أنتَ بتتكلم بأنهى منطق، أنتَ خاااااطب، خاطب يا براء وخطيبتك دى اختى وصحبتى، فااااهم يعنى أنا أصلاً بعتبرك أخ.

براء مسك ايدها: فريدة، اقسملك انى مستعد أعمل أى شيء بس تكونى ليا، أنا بحبك ومش متنازل عنك، أرجوكِ أنتِ افهمينى.

أنا عشت شهور على أمل المح طيفك، اسمع صوتك اللى كان مش مفارق ودنى بيتردد كأنى لسه سامعه، عشت بتمنى المح عيونك يا فري.

فريدة بصت بعيد عن عينه بتعيط:

- والقدر أختار تكون لصحبتى مش هنعترض على القدر يا براء، أمشي أرجوك.

براء دور وشها ناحيته: لا مش همشي، والقدر اه اختار كنزى ليا، بس هى خطيبتى ممكن اسيبها متجوزتهاش لسه.

فريدة زقت ايده برفق: مع نفسك أنا كـ فريدة مش ممكن أخون صحبتى.

براء: يعنى أنتِ كمان بتحبينى!

فريدة بصتله بغضب: مقولتش كده، انا مش بحب حد، ولا هحب حد.

براء: لو مشكلتك فى كنزى صدقينى هعرف اخلع منها بالطريقة، واخطبك انتى.

فريدة ربعت ايدها ببرود مصتنع:

- وأنا مش هرضي بيك اساسا.

براء اتعصب وشدها من كتفها ؛

- لو فاكرة انى عبيط وهصدق الكلمتين الهبل دول تبقي غبية، أنا فاهم كويس اوى أنك بتحب شخص واحد بس وهو أنا، ومش هتنازل عنك، عيونك فضحاكى يا فريدة، متخبيش..

فريدة بدموع: يووووه أنت مش هتسيبنى فى حالى، عايز منى ايه، انا تعبت.

براء: عايز اسمع منك كلمة واحدة، بتحبينى!!!

فريدة بصت بعيد بدموع، براء لف وشها ناحيته وكمل كلامه بحدة وحزم؛

- ردى علياا، عرفينى العياط اللى كان هنا ده كان على مين!! ردى وعرفينى كنتى بتراقبينى ليه لما مش بتحبينى، ردى رد مقنع يا فريدة.

فريدة بصتله بحزن: كلامك كله صح، مش هنكر أعجبت بيك، وكنت براقبك، بس مينفعش هى..

براء مسك ايدها بحنية: ارجوك، متقوليش هى انا هحل موضوع كنزى بطريقتى، بس قوليها.

فريدة سحبت ايدها من ايده:

- مش هقولها لانى مش حساها وده كان مجرد اعجاب، طبيعي جداً لانك شخص وسيم أى بنت تتمناه..