صقر الليل «كاملة»

البارت الـ¹⁶ لـ «صقر الليل»

البارت الـ¹⁶
لـ «صقر الليل»
فيروز مغـازى.

☆جماعة عايزة اشكر جداً الناس اللى بتدعمنى، مش ناسياكم أبداً، بسببكم أنتوا أنا عارفة أكمل، ياريت بس نستمر على نفس الدعم ده.. ♡.

• متنسوش تصلوا على النبى والأجر ليا ولكم ♡.

**********************************

يوسف بصلها مخنوق: أنتِ بتتكلمى بأى منطق يا رودينا، عايزنى أوافق على ده لبنتك !!! بزمتك أنتِ موافقة على المهزلة دى !!

رودينا بخنقة: بس هو لسه متكلمش، ولا عرفناه بلاش تحكم على الأنسان بالظاهر، أرجوك أهدى، حرام بجد حرام وكفاية تجريح فيه.

يوسف بص ليونس بحقد: ماشي نتكلم ونسمعه لما نشوف أخرتها بس فى النهاية القرار قرارى..

كيان بسخرية: كتر خيرك يا والدى.

آسر بجدية: كيان خدى جودى واطلعى فوق.

كيان بصت ليونس: بس يا خالو..

آسر بنفس الجدية: اسمعى الكلام يا كيان.

كيان بطاعة: حاضر طالعة، يلا يا جودى.

طلعت كيان وعيونها على يونس، قلبها وجعها عليه، ندمت أنها حطته فى الموقف ده..

يونس من برة يبان هادى بس ربنا لوحده العالم بكل الوجع والتقطيم اللى جواه، بقى مشوه من جوة أكتر من برة، مبقاش عارف يداوى ايه ولا إيه!!

لما دى البداية، معقول الحكاية هتكمل !!!

بص ليوسف اللى عيونه بتنطق بكل حقد الدنيا ناحيته ابتسم بمرارة وأتاكد انه مش هيتجوزها بسهولة..

آسر اتكلم أخيراً: مبداياً يا أستاذ يونس أنا عارف عنك كل حاجة أنتَ وأستاذ جواد.

ومش هتكلم فى حاجة، غير إنى هسالكم شوية اسئلة، انتوا الاتنين هتردوا ع كل سؤال فيهم بكل عفوية..

جواد بسخرية جواه:

- شكلى دخلت برنامج العباقرة دى مش جوازة، ده أسمه هبل، بس أدعى عليك بإيه يا جاد يا خويا عايز تشتغل وأنا البس..

آسر لاحظ انه مش عاجبه الكلام: معانا يا أستاذ جواد.

جواد ابتسم بتكلف: معاك طبعاً يا آسر بيه..

آسر بجدية: تمام، عايز أعرف حاجة، بما أنكم انتوا الاتنين بتحبوهم، لو لقدر الله حصل وابوهم مش موافق عليكم، ايه هيبقي أول تصرف ممكن تعمله!!

جواد ببساطة:

هقول نصيب وكل واحد يروح لحاله، أنا مش هخسرها أهلها عشان نتجوز ولا هروح مثلا اتجوزها من وراكم..