صقر الليل «كاملة»

البارت الـ⁴⁴ لـ «صقر الليل»

البارت الـ⁴⁴
لـ « صقر الليل »
بقلمى فيروز مغازى.

♡ جماعة بقي التفاعل مش منصف خالص بالنسبة لتعبى فى البارت نفسي توصلونى 50 فوت حتى، التفاعل هابط خالص، وعايزة كمان تناقشونى ف البارت، ايه الاخطاء والاجزاء الحلوة كده يعنى.

************************************

همس اعتدلت فى جلستها بتعب وقالت بضيق:

- أنتِ جاية هنا ليه بعد اللى عملتيه فى كيان !!

باسل بص لحبيبة: أنتِ تعرفى همس !!

حبيبة بخنقة: مكنتش اعرف انها مرات اخوك.

همس بغضب: امشي اطلعى برة، ياما اطلع انا بقي، مش فاهمة أنسانة مريضة زيك عايشة ازاى.

حبيبة دمعت: كنت غيرانة، حرام اغير يعنى !!

همس: غيرانة تدمرى نفسية كيان، صحبتك !! دانتى كنتِ زى اختها فى وقت غياب جودى، وانا شاااهدة، معقولة قدرتى توجعيها كده !!!

باسل بحدة: استنى يا همس لو سمحتى، ممكن افهم فى ايه يا حبيبة، ومين كيان وتعرفى همس منين.

حبيبة بدموع: كيان دى صاحبتى الانتيم، وهمس تبقا بنت خالها، وكنت بروح عندها.

باسل: ايوة بقي، ايه اللى حصل !!

حبيبة باختناق وصدق: وهمت كيان انها عندها مرض ملوش علاج، عشان يونس جوزها يسيبها، لانى كنت لوحدى ومش لاقية حد يحبنى زيها، بس والله م يوم ما حبيتك واتجوزنا طلعت كل ده من دماغى.

بدر مصدوم: معقول فى غيرة وحقد كده !!

حبيبة انفجرت بدموع: مش حقد، انا كنت بحبها هي صحبتى بس كنت غـيرانة، مكنش ليا حد زيها حتى اهلى سايبنى طالع عين اهلى بشتغل وبصرف على نفسي، وبياخدوا منى كمان...

انما هى كانت معاها كل حاجة، الاهل واللمة والعيلة والصحاب، والحبيب كمان، غيرت غصب عنى، كنت معمية يا بدر، صدقونى ندمت وعارفة انى غلطانة، بس انا ليا الحق وعندى مبرر يخلينى كده.

همس بهجوم :لا أنتِ..

باسل قاطعها بجدية: همس بعد اذنك، محدش يدخل بينى وبين مراتى، ومحدش يكلمها.

همس بخنقة: بس هى غلطت..

باسل بحدة: بدر بقي بعد اذنك، خلى مراتك تسكت، عشان مش هسمح لمخلوق يغلط فيها.

همس بغضب وشراسة: لو مضايق عليها متخليهاش تيجى قدامى تانى، عشان مش طيقاها.

حبيبة دمعت بحزن: عندك حق أنا همشي.

باسل مسك ايدها وبص لبدر: لما احب اشوفك هكلمك نتقابل فى اى حتى وبيتى مفتوحلك فى اى وقت.

بدر وقفه بعتاب: باسل مش معقول كده، أنتَ ابويا معقول فى الاخر هنفترق كده !!!

باسل تنهد: معلش سبنى شوية لوحدى.