صقر الليل «كاملة»

البارت الـ²⁰ لـ «صقر الليل»

البارت الـ²⁰
لصقر الليل
فيروز مغازى.

☆ عايزة البارت يوصل لـ 30 فووت، مستنية تفاعل يا حبايب قلبي، ومتنسوش الصلاة على النبى والاجر ليا وليكم ♡

*******************************

قربت بشويش عشان تبص وشافت صور لبناتها، هنا قلبها اطمن بس حست بالحزن على حالته، كان واضح عليه الارهاق فى الفترة الاخيرة..

كارم حس بيها بصلها: وحشونى أوى يا روحى.

روميساء بحزن: مفيش واحدة فيهم ردت!!

كارم بحزن: لا ديمة بتكنسل، وجنات فونها لسه مقفول مش فاهم ليه قافلاه، حاسس انها مش كويسة يا روميساء..

روميساء بتطمنه: لا هتكون بخير ان شاءلله، نوح بيحبها وأكيد واخد باله منها.

كارم باختناق: صدقينى مش طايقه لولا ان بنتك موافقة عليه مكنتش رضيت.

روميساء ضحكت: هموت منك، أنتَ غيران ولا ايه يا كارم، حبيبي نوح جوزها وليه حق فيها.

كارم: اه يا روميساء غيران، خدها منى وهى اللى كانت اقرب حد ليا، بتكلم معاها وبحكي كل الى وجعنى من غير ما احمل هم حاجة.

روميساء زعلت: نعم وأنا ايه فى حياتك بقي!!

كارم ببسمة صغيرة: أنتِ كل حاجه فى حياتى يا روميساء، أنتِ اللى بتهونى عليا متاعبى وحزنى، أنتِ اللى نورتى حياتى برقتك وجمالك..

روميساء حزنت: وملاك ايه فى حياتك !!

كارم ارتبك: مملاك، وايه اللى جاب سيرتها.

روميساء دمعت: لسه بتحبها وبتدور عليها!!

كارم بتهرب: أنتِ مملة يا حبيبتى، معقولة كل ده معملتيش حاجة ناكلها، أنا جوعت.

روميساء مسكت ايده بقوة: بصلى ورد عليا.

كارم بصلها وسكت.

روميساء بتالم: قولى هى ايه بالنسبالك !!!

كارم بيبعد نظره: هى كانت فترة فى حياتى و..

روميساء بوجع قطعته: متقولش فترة وانتهت، متخبيش قولى إنك لسه باقى عليها، وانا مجرد مسكن بتحاول تصبر بيه نفسك..

كارم بسرعة يصلها: لا طبعاً أنتِ عمرك ما كنتى مسكن، روميساء والله بحبك، ولسه مكانك فى قلبي كبير، أنا عايش عشان أنتِ جمبى أساساً.

روميساء دموعها نزلت: بس هى مكانتها اكبر، هى حبك الاولانى وصعب تنساها.

كارم بحزن: مش هكدب واقولك لا، اانا انا لسه بحبها وباقى عليها بس بحبك أنتِ كمان..

روميساء صرخت بالم: بأنهى منطق بتحب اتنين أنتَ واعى للى بتقوله !!!!! كارم مفيش واحد بيحب اتنين، أنتَ اكيد موهوم بحب واحدة فينا والاكيد ان الواحدة دى هى انا.