صقر الليل «كاملة»

البارت الـ⁷ لـ «صقر الليل»

البارت الـ⁷
لـ صقر الليل
بقلم فيروز مغازى.

☆ متنسوش الفوت يا قمرات ومتنسوش الصلاة على النبى ❤❤❤🥺

-----------------------------

* كلنا كـ القمر.. له جانب مظلم ♡ *

وكانت صدمتهم لما شافوا بنت متكتفة على كرسي بطريقة سادية جداً وعلى بؤقها شريط لاصق، ملامحها متشوهة وبتنزف من كل حتة..

جنات حطت ايدها ع بؤقها: يارب.

سالم جرى ناحية البنت وشاور للعساكر يأمنوا المكان، فك البنت، ونوح بعينه بيراقب المكان لاحظ حركة غريبة فى المكان..

نوح بصوت واطى: جنات، استخبى.

جنات لسه هتعترض.

نوح كمل بسرعة: بسرررعة..

جنات استخبت فى إحدى الاوض وقلبها بينبض بخوف رهيب على نوح وكمان كارم اللى لسه موصلش، المكان اساسا لانه كان وراهم..

نوح بحذر استخبى ووقف جمب مكان الدخول بحيث اللى يدخل ميقدرش يشوفه، ومسك ف ايده كمان عصاية.

لحظات وانتشر فى المكان صوت طلقات نارية، المكان بقي فوضى والعساكر أنتشروا فى المكان، وسالم فك البنت اللى بتلفذ انفاسها بصعوبة.

سالم بسرعة: قوليلى هو هنا!!

البنت بصعوبة: أيوة، هو هو هنا، مهربش لابس اسود ومغطى دماغه بظنط..

سالم لسه هيرد، سمع صوت شد الاجزاء مع صمت رهيب الا من خطوات هادية، مخيفة!!

التفت وكانت المفاجأة، السفاح واقف بنفسه ماسك سلاحه ومغطى دماغه بظنط اسود.

سالم حاول يطلع سلاحه..

السفاح بحدة: لو أتحرك هتموت.

سالم خبى البنت خلف ضهره، وحاول يتمالك الموقف وهو مش عارف رجالته فين.

السفاح بسخرية: كنت فاكر إنك سهل تمسكنى!! لا يا سااالم باشا، ولعلمك كل اللى هنا هيموت، وانا زى مانا محدش هيعرف هويتى.

سالم: مين قالك هتخرج من هنا سليم، انت خلاص وقعت فى الفخ بغباءك..

السفاح ضحك ضحكة واثقة: مستحييل اقع..

بص فى أرجاء المكان وقال:

- شايف المكان ده، كله ملكى واللى بيدخله صعب يخرج منه، صعب يا سالم باشا.

سالم بسخرية: وأنت هتطلع إزاى وأنت بطولك كده، مش خايف..

السفاح ضحك: قصدك ع رجالتك!! ههه كلهم برة متخدرين، ربنا يقومهن بالسلامة.

سالم حاول يتحرك، السفاح صوب السلاح فى وشه وقال بتحذير: حركة تانية وهتموت..

فضل مصوب عليه وعيونه بتجول فى المكان.