البارت الـ⁴¹
لـ « صقر الليل »
فيروز مغازى.
• طبعاً زعلانة جداً جداً منكم البارت مش جايب 40 فوت حتى، كنت متوقعة هتقدرونى لكن خذلتونى، وزعلانة منكم بجد 🥺💔.
***********************************
روميساء بوجه خالى من التعابير بصت لكارم:
- مقولتليش ليه انك جاى ومعاك ضيوف يا كارم !!
كارم بترقب: وايه اللى كان فرق !!!
روميساء ابتسمت وبصت لملاك: كنت جهزتلهم كل اصناف الاكل واستقبلتهم بطريقة حلوة.
ملاك بحرج: أنا محرجة جداً والله.
روميساء بود: متقوليش كده البيت بيتك.
بصت لنوح: اتفضل يا نوح
كارم بامتنان بصلها وابتسم، روميساء بادلته البسمة بكل ما فيها من حب ليه، حست انها هتبقي انانية لو خلته يتخلى عن حبه الأول، رغم ان ده ممكن يوجع لكن أهون عليها من وجعه هو.
ملاك لاحظت حبهم فى عيونهم، دخلت ونوح معاها وكذلك جنات، استقبلتهم روميساء بترحاب.
امال وعامر فى حالة صدمة من وجود ملاك.
كارم لاحظ: ملاك تبقي والدة نوح، ابنى.
عامر تمتمت بصدمة: ابنك !!
كارم ابتسم: ابنى ومن دمى يا حج.
عامر باستنكار: اينعم هو شبهك، لا نسخة منك بس ازاى ابنك وأنت مكنتش تعرف ولا حتى احنا !!
ملاك بتعب: الذنب عندى أنا يا عمى، أنا خبيت عنه وعنكم كلكم حتى نوح نفسه مكنش يعرف.
عامر بهجوم: وليه خبيتى عننا، ليه خدتى مننا ابننا، ويا ترى كنتِ مفهمة نوح ايه !!
كارم بحزم: والدى بعد اذنك متضغطش عليها.
بص لروميساء:
- ممكن يا حبيبي تعرفى ملاك اوضتها !!
روميساء اومت براسها بهدوء.
كمل وهو بيبص لجنات ونوح: وأنتى يا جناتى روحى أنتِ مع نوح اوضتك وارتاحوا لحد ما العشا يجهز.
جنات بطاعة: حاضر يا بابا.
مسكت ايد نوح برفق: يلا يا حبيبي نطلع !!
نوح هز راسه كأنه تايه، وطلع معاها لاوضتها دماغه مش فيه، تعبان، مُجهد من كل حاجة حواليه.
جنات قفلت الباب وقربت ساعدته يتمدد عالفراش.
نوح تنهد: متشكر يا حبيبتي، تعالى أنتِ كمان ريحى عارف انك تعبتى اوى معايا الفترة الاخيرة.
جنات بحنية: سيبك منى وقولى مالك !!
نوح بتعب: موضوع ان كارم ابويا تعبنى، وتحت لما جدك اتكلم حسيت كأنى عالة عليكم مش ابنه بجد.
YOU ARE READING
صقر الليل «كاملة»
Romanceهى لِيل ساكنٌ بنسماتِ ناعمةِ، سماءها معتمة كحياتها التعيسة تنتظر قمراً ينير سماءها، هو ظابط ملقب بـ الصقرِ، حاد الطباع، متبلد، يعيش فقط لعمله ولمهماته المعقدة، فـ يالصدفة عندما تكون هى أهم عنصر فى مهمته... رومانسية/أكشن/اجتماعية
