صقر الليل «كاملة»

البارت الـ³⁰ لـ «صقر الليل»

البارت الـ³⁰
لـ «صقر الليل»
فيروز مغازى.

☆ متنسوش الدعم يا حبايب قلبي ❤.

******************************

مهاب بصوت مليان حب: أنا بحبك يا جودى.

جودى اتلجمت وتعالت نبضاتها حست بشلل اطرافها من الصدمة، بتبصله وشايفة فى عيونه بتشع عشق وغرام كبير ليها هى، وبتلقائية افتكرت كل ذكرياتهم مع بعض، فهمت سبب جنانه فى موضوع جواد ده، ايوة اعترافه رغم انه صدمة كبيرة ليها، الا انه اثبت ليها انها كانت أغبى أنسانة فى الوجود.

مهاب لاحظ صدمتها.

حضنها بكل قوته واعتصرها جوة حضنه، جودى كل حاجة حواليها ساكنة تماماً الا من نبضات قلبها اللى رفضت توقف من لحظة ما شافت الحب ده فعيونه..

مهاب همس فى ودنها متيم: متبعديش عنى أنا ممكن أموت لو سبتينى، ممكن يجرالى حاجة.

جودى مش عارفة تستوعب كل اللى بيحصل.

لسه هترد شافت الكل حواليهم بيبصلهم والدنيا كلها ساكتة والاغنية انتهت تقريباً، شافت جواد على باب قاعة الزفاف عيونه بتتطق شرار وثانية وهيولع فى كل حاجة حوالين منه.

جودى انتفض من حضن مهاب اللى نسيت فيه نفسها تقريباً، ومتفاجأة من كل حاجة حواليها.

مهاب لاحظ نظراتها المصوبة ناحية جواد.

فك حصارها وهمس بحزن: روحيله يا جودى.

جودى بصتله ودمعت: صدمتنى.

مهاب بمرارة: كأنى مقولتش حاجة روحى.

جودى بصتله ودموعها بتنزل بقوة ومن بعدها مسكت فستانها فى ايدها ونزلت لجواد.

جواد مجرد ما وصلتله ربع ايده بغضب وساكت، عايز يخنقها بايده بعد ما شاف كل اللى حصل.

جودى مسكت ايده: جواد هتسمعنى.

جواد ضغط ع ايدها بقسوة وسحبها لبرة.

جودى اتالمت: اى ايدى يا جواد.

جواد بغضب أنفجر: ايه اللى انا شوفته ده !!

جودى بخنقة: مش اللى فهمته.

جواد بعصبية وغيرة: أنتِ هتشلينى، أنتِ كنتِ دايبة فى حضن الباشا، كأنكم عشاق، ياللى حتى فى يوم خطوبتنا مكنتيش منسجمعة معايا كده.

جودى ارتبك ومكنتش فاهمة نفسها.

جواد صرخ بانفعال: ردى عليا، بتحبييه، خطفك منى وخدك لنفسه يا جودى.

جودى صرخت فجاة: باس اسكت، مهاب هيفضل هو أخويا وصديقى، مش أكتر من كده مينفعش احبه.

جواد هز كتفها بعصبية: أمال ايه اللى شوفته ده !!

جودى بصتله باختناق: قولتلك مفيش حاجة.

جواد بجنون: لا فى حاجات، ده كان هيموت م وجعه لما سبتيه ومشيتى، كأنه متعشم بحاجة.