لبارت الـ³²
لـ «صقر الليل»
فيروز مغازى.
☆ متنسوش الدعم يا حبايب قلبي ❤.
******************************
"انت اماني وعوضي من الايام" ♥
وبان عليه الوجع والحزن لما شاف ريماس حبيبته الأولى مع جوزها بتتمشي وجاية فى أتجاههم.
همس فهمت تقريباً كل حاجة.
همس عيونها دمعت: أنا هطلع أوضتى عن أذنك.
بدر ضغط ع ايدها بحزن: خليكِ جمبى محتاجلك.
همس بوجع: مالك !! زعلان عليها !!
بدر: عشان خاطري مينفعش أهرب، خليكِ جمبى.
ريماس اتفاجات لما شافته، وولعت لما لمحت همس معاه، ايوة همس بنوتة رقيقة، جميلة، اجمل منها.
معاذ جوزها لما شافه شدها ناحيتهم من غير كلمة.
معاذ بخبث: مش معقول، بدر مكرم هنا !!
بدر حاول يبتسم وبص لريماس: شوفت الصدف.
ريماس بابتسامة بايخة: عامل ايه !!
بدر بيضايقها حضن همس: تمام جداً.
معاذ: أنا وريماس جايين فى شهر عسل، عيد جوازنا الـرابع النهارده ومحبتش أفوت الفرصة.
ريماس بصت لهمس باحتقار: وأنت جاى فى ايه !!
همس من غيظها ردت: شهر عسل بردو، أصل حبيبي بدر مش بيحب يفوت فرصة عشان يسعدنى.
ريماس باندفاع وغيظ: حبيبك وشهر عسل !!
بدر ابتسم لان همس ردت: امممم شوفتى بقي.
ريماس بسخرية بتكتم غيظها: عيد جوازكم الكام.
همس مالت ع كتف بدر وهمست: لا احنا لسه عرسان جداد، لايقين على بعض مش كده !!
ريماس بخنقة بصت لبدر: لايقين جداً من مستواه.
همس رغم غيظها: ايوة طبعاً، بدر حبيبي من انجح رجال الاعمال واشتغل مع بابى كمان.
ريماس بسخرية بصت لبدر: عارفة أصله !!
بدر اتعصب: ريماااس.
معاذ بقوة: لا عندك يا حلو دى مراتى.
همس لمست ايده بتهديه: حبيبي مالك، أنا عارفة عن حياتك كل حاجة، محدش يعرف يفرقنا اساساً.
ريماس بتافف وخنقة مشيت من قدامهم ومعاذ جرى وراها متغاظ من بدر، وبدل ما كانت ريماس هى اللى هتغيظه، همس حرقت دمها، هى كانت فاكرة ان بدر هيفضل عمره يحبها، ومش هبص لغيرها..
بعد ما مشيت، همس دموعها نزلت وكانت هتجرى ع اوضتها، بدر وقفها ومسك ايدها.
بدر: همس عشانى اسمعينى.
YOU ARE READING
صقر الليل «كاملة»
Romanceهى لِيل ساكنٌ بنسماتِ ناعمةِ، سماءها معتمة كحياتها التعيسة تنتظر قمراً ينير سماءها، هو ظابط ملقب بـ الصقرِ، حاد الطباع، متبلد، يعيش فقط لعمله ولمهماته المعقدة، فـ يالصدفة عندما تكون هى أهم عنصر فى مهمته... رومانسية/أكشن/اجتماعية
