صقر الليل «كاملة»

البارت الـ²⁵ لـ «صقر الليل»

البارت الـ²⁵
لـ صقر الليل
فيروز أحمد مغازى.

☆ متنسوش الصلاة على النبي ❤.

******************************

فكيف أتوُب عن عينّيكَ عشقاً،
وربُك فِي غرامك قد بلاني ♡.

(فى ڤيلة الشافعى)

فى مكتب سيلمان.

غادة بترجى ودموع: أبوس ايدك كفاية يا سيلمان، طلعها البنت بقالها كتير فى المخزن.

سليمان بيشرب سجاره ببرود: خليها شويه تتربى.

غادة بتوسل: دى بقالها اكتر من 3 اسابيع جوة اى مش كفاية، حرام بنتى هتروح منى.

سليمان بغضب: محدش قالك تجبيها عيلتنا ولا حد قالك تتجوزى سفيان ابنى وتستغلى طيبة قلبه وحبه ليكى عشان تربى بنت حرااام.

غادة بانفعال ودموع: قولتلك مش بنت حرام بنتى ابوها مكنش اب سابها ومشي وكنت متجوزاه..

سليمان بصوت عالي: مترفعيش حسك فى وشى فاهمة ولا لا يا غااادة !! 

غادة بتوسل ودموع: انا اسفة، بس بنتى خرجها يا عمى ابوس ايدك.

سيلمان رجع لبروده: لما تعترف سليم راح فين.

غادة: ما يهرب احنا مالنا، هو شاغلك فى ايه ولا انت عشان شغال فى الحرام خاييف.

سليمان صرخ بصوت جهرى: اخرررجى بررررة.

غاده مسحت دموعها: حاضر هخرج من هنا بس مش هسكت تانى خالص يا سليمان لو مخرجتش بنتى مش هسكت، وهفضحك والمستخبى هيبان، وهبلغ عنكم الحكومة.

سابته ومشيت وعزمتك جواها على الغدر.

قبل شوية..

سليم سايق عربيته وفى طريقه لبيت أهلها، رغم ان الدنيا ليل تقريباً الساعة واحدة بعد منتصف الليل، وده بالنسباله انسب وقت ياخدها فيه، حط سماعة فى ودنه بتوصله بالتسجلات اللى فى مكتب جدها، وبيتمنى يسمع اللى يريحه من المأمورية دى بس لا سليمان مش سهل، وصعب حد يمسكه بسهولة.

كان فى صمت رهيب فى البداية ومن بعدها سمع صوت الباب بيتفتح وسمع خطوات حد وده مكنش غير سليمان عدت لحظات صمت كمان ومن بعدها دخل حد تانى ودى مكنتش غير غادة اللى مجرد ما دخلت صوتها ظهر صوت انتحابها وعياطها بتترجى سليمان شوية شوية والكلام بقي واضح سليم طبعاً  اتصدم  صدمة عمره لما سمع حقيقة ان ليل مش بنتهم، اتوجع عليها، رمى السماعة بانفعال شديد، بيلعن غادة الف مرة انها مخدتهاش منهم..

سليم بانفعال عنيف: ودييينى لعلمكم الادب كلكم، علشان كده بتعمل فيها كده يا سليمان بس و اللى خلقنى مانا سايبك ع كل دمعة نزلت من عيونها..

كلم دعاء وقالها انه جاى ولازم تخرجله ليل ضروري، بردو من غير ما تعرف، دعاء طبعاً بعد تصميم شديد من سليم وافقت، كمل طريقه لهناك، راح لمزرعته القريبة من بيتهم غير هدومه لـ لبس كاچول ولبس كاب بيخبى ملامحه ومن بعدها، خد حصانه وبدون لحظة تردد أنطلق على هناك كانت تقريباً الساعة 3 بليل..