صقر الليل «كاملة»

البارت الـ²² لـ «صقر الليل»

البارت الـ²²
لـ صقر_الليل
#فيروز مغازى.

♡ متنسوش الفوت ووصلوا البارت ده لـ 35 عشان أنزل البارت اللى بعده ♡

*****************************
“لاَ إريِدٌ انْ اشَھدٌ غيِابكَ ، اريِدُ انْ اغَيِب مَعهَ..!”

آسر بص ليوسف لقاه واقف عند باب الڤيلة وواقف معاه أمين وكمان عليا والدة آسر، كانت عليا بتبص لابنها بعتاب ولوم رهيب، آسر اتفاجى بوجودها، واستغرب من نظراتها ليه، ايوة أمه عمرها ما كانت غايبة كل الغيبة دى ولما ترجع مجريش عليه تضمه، ياترى مالعها المرادى !!!

آسر تجاهل كل ده وتقدم ناحيتها باشتياق وابتسامة جميلة أترسمت على ملامحه وقال بعتاب:

= إيه هتفضلى واقفة كده بتبصيلى مش هتسلمى عليا ولا الغربة قست قلبك عليا يا ست الكل !!!

عليا تنهدت وقربت حضنته: لا طبعاً مقدرش يا حبيبي، عامل ايه !!! وولادك عاملين ايه !!!

آسر هز راسه: زى الفل يا حبيبتى.

خرج من حضنها وباس ايدها وراسها بحنان، وخد بايدها لجوة الڤيلة وقعدها على الاريكة برفق.

وبعدها التفت سلم على أمين بحرارة، والكل تقريباً رحب بيهم، وعليا انتبهت لدراع سليم المصاب

عليا بقلق: مالك يا ضنايا، ايه اللى عمل فيك كده !!

سليم ابتسم بوهن: أصابة عمل يا ست الكل متقلقيش.

عليا وقفت وتفحصت ملامحه: لا أنتَ مش كويس، آسر أنتَ ليه مختوش المستشفى، تعالى يلا هنروح.

سليم ضحك بتعب: يا حبيبتى والله انا بقيت كويس لما شوفتك، لسه فيكِ القلق الزايد.

عليا ذغدته فى كتفه بغيظ: بخاف عليك يا واد، تصدق بالله انا غلطانة بحبك اكتر واحد فى عيال ابنى.

إياد بحنق: طول عمرك يا جدتى، ربنا يخليهولك.

عليا بصتله بقرف: بس يا واد أنت انا مش بكلمك، روح اقعد مع مراتك اللى اتجوزتها من غير ما تقولى.

إياد فتح بؤقه ببلاهة: مرات مين !!!

كارما بغيظ: لا والله !!!

إياد ضحك: مقصدش بس هى عرفت منين.

عليا بصت لآسر بعتاب ممزوج بضيق: عرفت من مكان ما عرفت، خلى أبوك بقي يفرحلك يا سي إياد.

آسر بص ليوسف بضيق: اااااه الظاهر حد فتن الدنيا وولعها، هو حضرتك ليه جيتى فجاة كده، مش دايما انا اللى بجيبك من دبى.

أمين بلوم: ايه مكنتش عايزنى نيجى ونعرف !!!

آسر: لا طبعاً كنتوا هتعرفوا، بس أنا عايز افهم اللى بيحصل، مين عرفكم أنا لسه هعلن جوازهم النهارده.