البارت الـ³⁷
لـ «صقر الليل»
بقلمى فيروز مغازى.
♡ حطوا فوت يا حلوين عايزة البارت يوصل 50 ♡
*ملحوظة 😥
انا زعلانة منكم البارت اللى فات
مجبش الفوت اللى طلبته ، اتمنى
البارت ده يجيب تفاعل..
ومتنسوش الكومنت الجميل..
صدقونى كلامك بيشجعنى
*********************************
كانت صدمتها لما شافته واقف قدامها بعد ما اتخلى عنها، الزمن وقف بيها لحظات، قدام العيون دى، اللى لحد دلوقتي شيفاهم بيتها، شيفاهم وطنها ومكانها.
كانت عايزة تساله ليه وصلتنى للمرحلة دى من وجع القلب !!! عملتلك ايه عشان توجعنى كده !!
بدر كان هو كمان عايز يسالها نفس الاسئلة دى !!
قلبه بيعتصر من الألم عليها وهو شايفها بتتالم بس، غصب عنه مقدرش ينسي خيانتها ليه !!
بدر بجمود: خليكِ مكانك.
همس هنا كأنها فاقت، نطقت بغضب:
- أنتَ جاينى هنا ليه وازاى !!
بدر بيكتم خنقته: عشان عندى أموتك ولا تتجوزى حليم، رايحة تتجوزيه !!
همس ببرود: أنتَ اخر واحد ممكن يتدخل فى حياتى أنا هعمل اللى أنا عايزاه، وحليم أنضف منك.
بدر زعق بنرفزة: أنتِ هبلة !!! حليم ده استغلك وأنتِ زى الهبلة مشيتى وراه..
كمل بسخرية: ولا هو وحش ليا أنا وحلو لحليم.
همس بعصبية: أنتَ بتلمح لايه !!!
بدر ببرود: أبداً، أنتِ فاهمة أكتر منى.
همس بنرفزة حاولت تتحرك: أنا هروح لبابى، ولعلمك
هو مش هيسيبك، وقالب عليك الدنـ... ااااه
صرخت بالم لما مشيت بس خطوتين.
بدر حنيته غلبته وقرب مسك ايدها.
وقال بصوت قلق:
- خليكِ مكانك، أنتِ تعبانة!
بصت لعيونه عن قرب للحظات ودموعها نزلت، يمكن مش من وجع جسدى على قد ماهو نفسي !!
بدر بحنية مسح دموعها: متتحركيش، هنادى الدكتور يديكِ مسكن، يمكن الوجع ده يخف.
همس زقته بالم: مش عايزة منك حاجة، عايزة اعرف ايه اللى حصلى !!! انا آخر حاجة فكرها انى كنت فى اوضتى اللى الاوتيل وحد كممنى ومحستش بحاجة.
بدر : اللى حصل إنى لما سمعت خبر جوزك الى أنتشر فى كل الدنيا، عيونه اشتعلت بغيرة، دمى اتحرق من اللي بيحصل اتعصبت لا انا اتجننت، وقررت اخدك، عشان لو مش هتكونى ليا، مش هتكونى لغيري.
YOU ARE READING
صقر الليل «كاملة»
Roman d'amourهى لِيل ساكنٌ بنسماتِ ناعمةِ، سماءها معتمة كحياتها التعيسة تنتظر قمراً ينير سماءها، هو ظابط ملقب بـ الصقرِ، حاد الطباع، متبلد، يعيش فقط لعمله ولمهماته المعقدة، فـ يالصدفة عندما تكون هى أهم عنصر فى مهمته... رومانسية/أكشن/اجتماعية
