صقر الليل «كاملة»

البارت الـ¹⁵ لـ «صقر الليل»

البارت الـ¹⁵
لـ «صقر الليل»
فيروز مغازى.

★ متنسوش الفوت يا حلوين ❤

• صلى على النبى ♡

*****************************
فى اليوم التانى

وصلت لبلدها اللى عمرها ما شافتها فى حياتها، راكبة جمب الشباك ونسمات الهواء بتحرك خصلاتها بتتفرج على الاراضي الخضراء والاشجار، كانت البلد حلوة جداً وليها ريحة ترد الروح، بس مش ليها، يمكن كانت حبتها لو مكنتش هتتجوز فيها ابن عمها، يمكن كانت هتحبها أكتر لو جمب إياد..

= يلا وصلنا يا كارما.

بصت لقت سحر بتناديها باقتضاب.

كارما بهدوء: حاضر ياما هنزل أهو.

نزلت من العربية وسحر ماسكة فى ايدها زى ما تكون خايفة تهرب منها، وفارس ومحمد جمبهم ماسكين الشنط بتاعتهم وداخلين لبيت كبير جداً بيشبه القصر فى تصميمه..

دخلت مع أمها مش مهتم بأى حاجة حواليها زى الالة بيحركوها، مستسلمة لتحركتهم..

فارس حمحم: السلام عليكم يا عمى سلامة.

سلامة كان راجل بشوش ابتسم:

- وعليكم السلام يا ولدى أتفضل، تعالى يا أم عاصى تعالى يا ميسون چوزك وصل..

الكل اتجمع ورحب بيهم.

عماتها الاتنين وبناتهم عمتها الا ميسون واقفة بعيد بتبص لفارس من بعيد كأنها خايفة تقرب منه..

كارما سابتهم وراحت لميسون، كانت ميسون بنت جميلة، جمالها هادى بس مخبياه بجلبية واسعة وطرحة كبيرة.

وطبعا مش حاطة حاجة فى وشها من ميكب أو روچ..

كارما ابتسمتلها: ميسون، عاملة ايه!!

ميسون: بخير يا بت عمى، أنتِ كيفك..

كارما بحزن: مش كويسة يا ميسون.

ميسون بقلق: ليه بس يا بت عمى، دأنتِ فرحك على أخوى بعد كم يوم..

كارما لسه هترد قطعهم صوت سلامة..

= چهزوا غدا معتبر لأخوى يا جمالات مش عايز حاچة تنقص، كل حاچة اعميلها..

جمالات مراته: ماشي يا أبو عاصي من عينى.

قالت كده ومشيت، وسحر اصرت تروح تجهز معاها، زى عوايدهم فى الصعيد بيساعدوا بعض.

قرب سلامة لميسون وقال مبتسم:

خدى كارما يا بتى وطلعيها اوضتها زمانها تعبانة من السفر عقبال ما الغدا يچهز وكمان نادى على فارس چوزك ميصحش متسلميش عليه..

ميسون بهدوء: ماشي يأبوى..

خدت كارما لاوضة جمب اوضتها هى وفارس.