صقر الليل «كاملة»

البارت الـ²⁴ لـ «صقر الليل»

البارت الـ²⁴
لـ «صقر الليل»
فيروز مغازى.

♡ متنسوش الصلاة على النبي ❤

*******************************
هنا براء بصلها مصدوم، صدمة خذلان من أقرب بنى أدمة لقلبه، خيبة أمل فظيعة حسها فى اللحظة دى وهو بيعتابها بنظراته قد ايه طلعت أنانية..

براء بصوت متحشرج: مش بتحبينى يا فريدة !!

فريدة بقوة مزيفة: ايوة مش بحبك.

براء صرخ بعيون حمرة: مش بتحبينى ازاااى !! معقول قادرة تتخلى عن كل حاجة بينا، وعشان ايه !!

فريدة مسحت دمعة نزلت منها: انا مستحيل أحبك يا براء، أنت حق كنزى مش حقى أنا.

براء سقف بمرارة: هااايل يا فنانة، كملى..

فريدة بصت لكنزى: كنزى أكيد اللى هو بيقوله غلط، انا كنت هنا عشان أحنن قلبه وأخليه يرجع علاقتكم.

كنزى كملت بحزن: أمال ايه اللى أنا شوفته ده !!

فريدة: ده ولا حاجة، هو ابن خالي ولما لقانى بعيط عليكى، حضنى مفيش أكتر من كده.

براء هز راسه بمرارة: هى صح يا كنزى.

قرب مسك ايدها قصاد فريدة وبص لفريدة بيضايقها، وبيوجعها زى ماهى عملت دلوقتي.

كنزى ابتسمت بسعادة: أنتَ هترجعلى تانى !!

براء : اه يا كنزى ما فريدة كتر خيرها حننت قلبى، وأنا شايف انى لازم أرجع علاقتنا زى الاول وأحسن.

كنزى بفرحة عارمة: أنا بحبك يا براء، بحبك اوى.

براء باس ايدها: وأنا أكتر، ممكن ندخل بقي الحفلة، عايز اسلم على اهلك واعرفهم اننا رجعنا لبعض.

كنزى اتعلقت فى ايده بسعادة: طبعاً هما جوة، يلا بينا.

براء بص لفريدة لقى نظرة وجع فى عيونها، بتبصلهم وموجوعة رغم انها السبب فى كل اللى حصل.

براء لكنزى: معلش اسبقينى أنتِ لجوة، هجيب حاجة من عربيتى وجاى حالاً.

كنزى: طيب ماشي متتاخرش عليا بقي.

براء هز راسه: اكيد يا حياتى.

دخلت الخطوبة ولا بصت لصحبتها اللى ضحت بحبها عشانها، سابتها واقفة كأنها مش موجوده ودخلت.

براء بص لفريدة بمرارة: شوفتى صحبتك طلعت اجدع منك، اتمسكت بحبها مش زيك جبانة وهبلة.

فريدة دمعت: أنا مش هبلة ولا بحبك، أنتَ حقها هي.

براء بسخرية مريرة: تمام جداً اتفضلى معايا للخطوبة بقا عشان تباركى وتحضرى مش أنتي جاية عشان كده بردو !!!

فريدة بقوة مزيفة: ايوة جاية عشان الخطوبة مش عشان حد، ياريت تبقي فاهم كده.

براء بمرارة: غبية وهتفضلى طول عمرك بتيجى على نفسك عشان اللى حواليكِ وأنتِ مش فارقة معاهم.