صقر الليل «كاملة»

الفصل الـ¹¹ لـ «صقر الليل»

البارت الـ¹¹
لـ «صقر الليل»
فيروز مغازى.

☆ متنسوش الفووووت يا قمراتى، عايز البارت يوصل لـ 20 فوت، ومتنسوش الصلاة ع النبى ❤❤❤ 🥺

------------------------------

قعدت دموعها غزت عيونها، ضامة جسمها بكل ارتجاف، بتعيط، هى عمرها ما حبت علاقتها بيه توصل للمرحلة دى، أيوة واثقة فيه..

واثقة انه مش هيتخلى عنها، لكن ده حرام جداً كارثة من الكبائر، هو مش حلالها، ولا جوزها ولا ينفع اللى حصل.

سليم حس بالخزى من تصرفه: ليل أنا..

ليل مقاطعة بهدوء موجع: عايزة أروح.

سليم تنهد باختناق: صدقينى بحبك..

ليل بعيونه حمرة من العياط: عارفة إنك بتحبنى وانا كمان بحبك، بس ده غلط، كارثـة.

سليم حط ايده ع وشه: كان عندك حق لما قولتيلى نبعد، يارتنى كنت بعدت..

ليل بدموع: ربنا غضبان علينا يا صقر، ااحنا كنا محتاجين رضا ربنا، ودعمه..

سليم باختناق: غصب عنى، يمكن عشان بحبك مقدرتش أبعد، بس والله ما كنت بتمنى تكون بداية حياتنا مع بعض بالشكل ده...

ليل مسحت دموعها: الحل اننا نبعد يا صقر، لازم نبعد فترة، وونحط حدود بينا، لحد مانت تخلص مهمتك اللى جاى عشانها..

سليم مسك ايديها، ولسه هيتكلم، ليل سحبت ايدها باختناق وقالت:

- قولتلك هنبعد، هنبعد وبس..

سليم بحزن: ماشي، بس يعني اسمحيلى ع الاقل امسك ايدك، اطمنك وتطمنينى..

ليل انفجرت بدموع: مينفعش، كل ده حرام أنا مش فاهمة سلمتلك إزاى يا سليم، إزاى غضبت ربنا وكسرت ثقة أهلى بالشكل ده..

إزاى نسيت دينى ومبادئى!!! ليه عملت فيا كده! ياريتك ما كنت حبيتنى، يارتنى ما جيتلك هنا..

سليم ساكت، بيحاسب نفسه الف مرة على اللى عمله، على الذنب الكبير اللى اقتطرفه فى حق ربنا وفى حق نفسه، هو عمره ما كان كده، ليه!! ليه ضعفت يا صقر! ليه نسيت دينك..

معقول متاع الدنيا نساك أخرتك!! طب غلطتك دى ممكن تتصلح!! ممكن ربنا يغفرلك!!

ليل دخلت الحمام ولسه بتعيط، عيطت هى كمان، وبعد شويه خرجت بوجه حاولت تبين عليه السكينة، لكن من جوة مهشمة..

سليم كان لابس بدلته، مولع سيجارة، مش عارف يروح فين، يهرب لمين!!

أمه الحضن الوحيد اللى بيتمناه دلوقتي، لكن ازاي هيشوفها ويتكلم معاها!!

ليل بهدوء: مش عايزاك تفهم ان كلامى بعيب فيك أنتَ بس انا كمان غلطت، أيوة واثقة فيك بس مكنتش لازم اتعدى الحدود دى معاك