🌹حلقة خاصة🌹
لـ رواية صقر الليل.
بقلم فيروز مغازى.
عليا واقفة حاطة ايديها على خصرها بتتابع كيان وجودى وكارما وليل وهما بيظبطوا اخر تجهيزات حفلة لم الشمل، وعيد زواج آسر وهمسة ويوسف ورودينا لانها كانت أكتر مناسبة سعيدة بتجمع كل العيلة واصدقاءهم، ومهما الظروف لغبطت بين البعض وبيرجعوا يصلحوها من تانى لانهم عيلة واحدة سند وعزوة وبينهم ود جميل.
نزلت همسة من على الدرج فى طلة جميلة اوى، مازالت فاتنة رغم انها اصبحت جدة وكبرت !!
عليا ابتسمت: تبارك الرحمن، يحميكِ من العين.
همسة بمرح: ابنك بيعرف يختار صح؟؟
كارما بتاكيد: بيرفكت يا مزتنا يا حبيبتنا.
همسة ضحكت: جملونى كتير بقي عشان النهاردة محتاجة باور عالى عشان أنفذ اللى الخطة.
ليل بمرح: أنتِ مش محتاجة يا هموسة، من يومك مزة وخاطفة الانظار، وليكِ طلة جامد كده كده.
همسة ببسمة: يخليكم ليا يا حبايب قلبى.
كارما بحنق: أنا غيرانة بقي، عشان مرضتيش عليا.
همسة ضحكت: دأنتِ أول فرحتى يا كارما، معقول كلامك ده، صدقينى ليكِ معزة خاصة.
عليا لوت شفايفها: بقت شحطة وبعيل شحط زيها وغيرانة، عقلك قد كده زى الواد إياد الى اختارك.
كارما تمتمت بحنق: لازم تسم بدنى بكلمتين.
كيان ضحكت: سمعتك على فكرة.
عليا برقت بغضب: قالت عليا ايه الولية دى؟
جودى ابتسمت بتوتر: الله يكرمكم عدوا الليلة لو تيتة قلبت الحفلة هتبوظ.
كيان بتكتم ضحكتها: مقالتش يا تيتة دى بتستغفر ربنا بس، بتاخد ثواب وكده فاهمة أنتِ؟
عليا لكارما باستخفاف: وحبكت التقوى يا شيخة كارما؟؟ ولا بتستغفرى عشان مضايقة منى؟
كارما ابتسمت بتكلف: ازاى بس يا تيتة، أنتِ تقولى اللى تحبيه، وفوق دماغى من فوق كمان.
عليا برضا: ايوة طبعاً، اتلهى بقي وادخلى شوفى الاكل مع الخدم شوفيه جهز ولا لا.
ليل سبقت كارما: انا شيكت عل الاكل كله مع الخدم احنا هنطلع نجهز بس عشان الحفلة هتبتدى.
همسة: وأنا هروح اعدى على آسر فى الشركة قبل مايطب علينا، والحمدلله رودينا مع يوسف حالياً.
عليا: ماشى يا حبيبتي روحى.
همسة مشيت، وعليا بصت للاربع بنات بحنق.
كيان جواها برعب: يارب استر من بصتها.
عليا رفعت حاجبها: طبعاً موزعين عيالكم وسايبنهم مع المربية فى بيت كيان هانم.
YOU ARE READING
صقر الليل «كاملة»
Romanceهى لِيل ساكنٌ بنسماتِ ناعمةِ، سماءها معتمة كحياتها التعيسة تنتظر قمراً ينير سماءها، هو ظابط ملقب بـ الصقرِ، حاد الطباع، متبلد، يعيش فقط لعمله ولمهماته المعقدة، فـ يالصدفة عندما تكون هى أهم عنصر فى مهمته... رومانسية/أكشن/اجتماعية
