صقر الليل «كاملة»

البارت الـ¹⁴ لـ «صقر الليل»

البارت الـ¹⁴
لـ «صقر الليل»
فيروز مغـازى.

☆ جمااااعة التصويت علشان اكمل نفسي فى مرة القى الدعم اللى بطلبه، حطوا بقي فوت كتيرررر
وصولوا البارت ده لـ 25 فوت علشان أنزل الى بعده، حقيقي بزعل اوى من اللى بيشوف البارت ومش بيحط فوت، كده مفيش اى تفاعل ولا تقدير.

ومكنتش بحب اشرط بعدد معين من الفوت عشان انزل اللى بعده بالعكس بنزله على طول،

فـ يعنى يبقى فيه تقدير، حاسة انى بنزل لنفسي..

• متنسوش الصلاة على النبي ❤

*******************************
كانت هتنام وحطت راسها ع المخدة، لكنها فاقت على صوت خبط قوى على باب الاوضة بتاعتها، لدرجة انها اتخضت..

كارما بارتباك: حاضر هفتح..

فتحت الباب وشافت أبوها محمد، بس ملامحه غير مبشرة بالخير عيونه بيتطاير منها الغضب، انفاسه كانت عالية وسريعة، واضح عليه الانفعال..

رغم انه الظاهر لسه جاى من السفر..

كارما بارتباك: أبويا !!!

محمد بدون مقدمات ضربها بقلم قوى وقال بيزعق بصوت عالى:

- أنا مش أبوكى، اللى تحط راس أبوها فى الوحل متستاهلش ذرة شفقة ولا رحمة، وانا كنت غلطان لما سبتك على راحتك واديتك الثقة.

كارما اتحجرت الدموع فى عينيها بصدمة وحطت ايدها على خدها: بتضربنى يا أبوى!!

(جدعااان الحوار بالصعيدى)

محمد مسكها من شعرها بثوران وغضب: وادبحك كمان يا قليلية الحيا، وانا كنت مغلط أخوكِ قااااال اتاريه مغلطتش عليكى، والحرية اللى ادتهالك عملت منك واحدة رخيييصة ماشية على حل شعرها..

كارما مصدومة وبتعيط: رخيصة !! بتقولى أنا الكلام ده يا أبوى !! معقولة!!

محمد بنرفزة:

-  ايوة أنتِ.. ماشيالى مع إياد واد عيلة الحسينى!!! اشحااااال أصغر منك، ولا أنتِ قعدتك هنا علمتك الرخص والقرف والمسخرة..

كارما بتهزر راسها بدموع: والله العظيم ما...

محمد ضربها بقلم أقوى بعصبية: اخرررسي مش عايز ولا حرف تاااانى، ووقت الدلع الماااسخ خلص..

سحر جت من أوضتها مخضوضة..

كارما بدموع: الحقينى يا أما..

سحر اتخضت من المنظر: فى ايه يا راچل، انت جيت امتى!!! وليه ماسك البنية كده!!

محمد زعق فيها: الهانم بتك اللى فرحانة بيها وقوتيها على اخوها، فااارس كان طالع ع السلم من كم ساعة.

لقيها واقفة مع إياد الحسينى، وطلعت ماشية معاه من أربع سنييين فاتوا واحنا نايمين على ودانا يا سحرررر، بتك هتچبلنا العااااار