صقر الليل «كاملة»

البارت الـ²⁹ لـ «صقر الليل»

البارت الـ²⁹
لـ «صقر الليل»
بقلمى فيروز مغازى. 

☆ متنسوش الدعم يا صحااااابى ❤

*****************************
ماشية ماسكة فى ايده فى الاتيليه بتبص للفستاين قدامها ومش عاجبها حاجة.

شريف بياس: يا حبيبتى ما فى حاجات حلوة اهى!

ديمة بابتسامة: لا مش عاجبنى.

شريف: ليه بس ماهم حلوين وزى القمر.

ديمة: لا مش عاجبنى، بقولك ايه تعالى نروح القسم التانى بتاع المحجبات ده.

شريف اتصدم: محجبات !!

ديمة بابتسامة: أمممم مالك مصدوم !!

شريف بعدم تصديق: أنتِ..

ديمة هزت راسها بابتسامة: قررت أخد الخطوة دى، وأنا مقتنعة بيها أقتناع تام..

شريف بعفوية حضنها بفرحة: مبروك يا روح قلبى يا ربي متعرفيش نفسي تاخدى الخطوة دى من أمتى !!

ديمة بادلته العناق بسعادة: وأنتَ متعرفش أنا بحبك إزاى، متعرفش قد ايه اتغيرت معاك.

شريف ببسمة خرجها من وحضن ملامحها: صدقينى وأنا مبسوط بيكِ وبحبك بجنون، مبسوط انك كمان نسيتى الاحزان والاوجاع، وشك منور وزى القمر..

ديمة حطت ايدها على كتفه مبتسمة وبتبص لعينه بحب كبير محستوش غير جمبه:

- متسالنيش تانى عن الأحزان، عشان هى اتمحت ع ايديك، بقيت مش بشوف حزن معاك وبضحك معظم الاوقات، نسيت كل اللى فات مش فاكرة غير حبنا.

شريف متخدر قدام جمالها: نسيتى كل حاجة !!

ديمة برقة: كل حاجة، مش فاكرة غيرك.

شريف بص حواليه ورجع عيونه ليها: جاية فى وقت مش مناسب ومكان مش مناسب، طب اخطفك طيب ولا أعمل اين ياللى مجننانى وخاطفة قلبى.

ديمة بخجل: بطل بقي، وتعالى نشوف فستان جميل لحفلة التخرج اللى هى بعد كام ساعة، وكمان عايزة اجيب فستان حلو لفرح فريدة اختك..

شريف قرص خدها: هتهربى منى فين يا بيضة.

ديمة ضحكت بخفوت: مش ههرب يا سيدى، معاااك دايماً ومش هسيبك للابد، مش ممكن أسيبك تانى.

شريف بدراما: قلبى اتخطففف يا نااااس.

ديمة بخجل: هسيبك وأمشى !!

شريف مسك ايدها: لا وحياتى أوعى تبعدى عنى.

ديمة اتكسفت ومشيت معاه اختارت فستان محتشم جداً من اللون الازرق الغامق وعليه حجابه طبعاً، هو كان بيتابع فرحتها بالفستان ومبسوط بيها جداً..

اختارت كمان واحد لفرح فريدة ومعاه حاجته.

شريف: تحبي تقيسى اللى اخترتيه.