على الساعة عشر الصبح
مايد كان مع نورة فالمركز الطبي، وراشد ياي بروحه.. خلصو التحاليل المطلوبة لفحص الزواج
راشد: حياكم بعزمكم على الريوق
مايد ابتسم: تسلم يالنسيب مايحتاي
راشد يطالع نورة: الحرمة ساحبين دمها، عن اييها هبوط، تعال يا ريال دام ما وراك شي.. بنتريق وبنرجع
مايد رفع حاجبه: يالهرم اثاريك تحاتيها يعني
راشد: لا أفا علييك، حتى انته تستاهل ريوق غاوي
مايد: يلا مابردك عيل
راشد: بخاطركم شي معين ؟
مايد: لا.. التفت على نورة: ودج بمطعم معين ولا كوفي ؟
نورة: كله واحد، نسير أي مكان
راشد: بريقكم فمطعم تركي شو الراي ؟
مايد: توكلنا على الله
**************************************
على الظهر صلى راشد في المسيد وراح ليدته..
اليدة تبتسم: شعنده رشود مسيّر علي اليوم ؟
راشد يحضنها على جنب: ودي اتغدى وياج اليوم
اليدة: حياك الله فديتك، بس انته فخاطرك شي، قول يا اميه اسمعك
راشد بارتباك: انتي راضية علي ؟
اليدة باستغراب: الله يرضى عليك دنيا وآخرة ياعيني، اكيد راضية عليك.. ليش يا اميه شو مستوي ؟
راشد بارتباك: انا ملجتي قريبة، ويدي توه متوفي، بذمتج يدوه تقولين لو شي فخاطرج، قوليلي لو تبين نأجل، انتي بس تامرين.. الكل تحت أمرج
اليدة تحضنه: فديت اللي فواده علي ويحاتيني، مسموح و مرخوص يا اميه، نبا نفرح.. ويا حلاتها الفرحة بأحفادي.. الله يتمم عليكم بالخير ويعطينا طولة العمر ونشوف ذريتكم
راشد يبادلها الحضن: بس ترى ماشي اغاني وماشي معازيم.. أهلنا بس، وبنملج عندج فالبيت يدوه
اليدة تمسح دمعتها: البيت بيتكم يا اميه.. حياكم الله فأي وقت وكل وقت.. ليت يدك بس بيننا.. اللهم لا اعتراض اللهم لا اعتراض
راشد يبوس راسها: الحمد لله على كل حال.. ربي يرحمه ويغفرله يا رب
اليدة: آمين يا رب العالمين
******************************************
فمحل الأثاث تحديدًا..
سلطان: ها موزتي، شو اخترتي ؟
موزة بحيرة: مادري سلطان.. ساعدني بالاختيار شوي
سلطان: انتي لازم تختارين كل شي.. عشان تكونين مقتنعة بكل التفاصييل
موزة: مب شرط.. ساعدني بالاختيار عشان نخلص يلا
سلطان قرب منها وهمس باذنها
موزة طالعته بصدمة: سلطان لا تقل أدبك
سلطان يضحك: أقِلْ أدبي مرة وحدة؟؟؟؟ انتي حلالي استوعبي
موزة باحراج: ولو
سلطان: ليش أنا شو قلت ؟ كل اللي قلته غنفة الصالة لازم تكون مُريحة.. عشان يوم نشوف أفلام موزتي بتكون يالسة بحضني
موزة تطالعه باحراج: حمار تعيد الكلام وتحرجني اكثر ليش ؟
و مشت عنه بعيد
سلطان يلحقها:انتي الحين من صدقج مستحية ؟
موزة:.....................
سلطان مسك ايدها: مزمزتي يلا عاد
موزة بقرف: مزمزتي ؟ سلطان دخيلك لاتلوع بجبدي
سلطان: مب ويه دلع
موزة: يوم الا هذا دلعك مانباه
رن تلفونه ورد عليه: هلا سلاميي
راشد بخوف: بلاج تصييحين ؟ سلامة حبيبي اتكلمي شوي شوي خليني افهم، ميثوه ؟ وليش ؟؟ حمدان وينه انزين ؟ خلاص ماعليه انا راد البيت الحين
موزة: بلاك سلطان ؟
سلطان بانفعال: انا اليوم بمد ايدي خلاص.. طفح كيلي والله انه طفح
موزة ترص على ايده: حبيبي فهمني شو مستوي ؟
سلطان وصوته عالي: ميثوه ضربت سلامة، بذمتج منو يضرب يااااهل ؟ شو تبابها تضربببها؟؟؟؟
موزة تهمس: فديتك صوتك عالي، اهدا شوي.. خلني انا بيي وياك البيت بس لاتمد ايدك عليها.. مايصير حبيبي ما يصير
سلطان باحراج: وانتي ماعندج غير مشاكل بيتنا ؟ انتي بعدج ماعرستي ومتصدعه من ميثوه كيف عقب ؟
موزة بحب: لاتقول هالكلام مرة ثانية وتزعلني.. ميثة حسبة اختي.. أنا ماتصدع ولا غيره.. انته اذا تحس انها بتزعل او بتتضايق او ماينفع اتدخل خبرني.. ماريد حد يتحسس مني
سلطان بصدق: لا والله بالعكس.. انتي حرمتي، وبتصيرين حرمة اخوهم العود.. ثانيًا انا ماحب ادخل خالاتي ولا عماتي بأمور بيتنا أبدًا.. ماحب اطلب منهم شي.. انا ماسك كل شي.. بس والله اني متوهق ويا هالبنات
موزة تبتسم: ولا يهمك.. بسيطة.. صدقني هاي اشياء عادية وتصير بكل بيت.. ميثوه مصيرها تكبر وتعقل
سلطان يتنهد: يااااااا رب الله يسمع منج
*****************************************
فقروب العايلة العمة شيخة سجلت فويس:
مساكم خير وعافيه يا حلوييين.. هنيتو بالرحمة حبايبي الله يجعلها أمطار خييير.. نبغي طلعه جماعية حلوة بالمطر.. منو من الشباب موجود ؟ واذا ماتبون طلعه خلونا نتيمع عند يدتكم
مايد: للأسف انا وحمود عندنا دوام ع المسا
سعيد: انا فاضي
راشد: وانا بعد فاضي
العمة شيخة: شو انزين نطلع ولا نيلس ؟
سعيد: الاثنين عادي
العمة شيخة: حميد وحمد بعد موجودين لو بتحتايون سيارة زياده
أم مايد: عادي شويخ بيكفي المكان.. انتو توكلو ونحن بنيلس عند عموه
أم محمد: هيه أنا بعد بيلس عند عموه
أم سعيد: وأنا بعد
سعيد: يعني خلاص بيكفي المكان ؟
العمة شيخة: ان شاء الله
سعيد: يلا عندكم نص ساعه أو أقل بناخذكم لفة ع البحر، وبنمر الوديان لو شي وقت.. يعني حواطه خفيفه.. تمام رشود ولا مشغول ؟
راشد: عادي فاضي
سعيد: توكلنا على الله
