رجع من دوامه ع الساعه ثنتين ونص، دخل الغرفة شافها مظلمة وباردة، دورها بعيونه وانتبه على السرير، استغرب راقدة هالوقت ليش ؟ ومغطية ويهها باللحاف.. يلس ع السرير وكشف عن ويهها، شافه أحمر وباين عليه التعب، وخدها مبلل بدموعها
راشد يمسح دموعها بخوف: شووووفييييج ؟؟؟؟ شو مستوي ؟؟؟؟
نورة: بطني يعورني
راشد باستغراب: أنا أحيدج تتألمين منها، بس مب هالكثر، قومي حبيبي بوديج المستشفى أحسن
نورة زل لسانها: مايحتاي، أنا أعرف شو سبب هالألم
راشد: شو السبب ؟؟
نورة صدت عنه بارتباك:...............................
راشد قام: أنا بسويلج شي متأكد انه بيريحج
راح راشد عند سدة الأدوية وطلع زيت
نورة بقرف: دهان أبو فاس ؟؟؟ دخيلك لااااااااا، ماداني ريييييحته
راشد كاتم ضحكته: ماعليه، تحملي شوي
سحب اللحاف، ورفع قميصها يكشف عن بطنها
حط قطرات الزيت فباطن ايده: بإسم الله الشافي المعافي
وبدا يمسح بطنها بحركات دائرية، يحاول قد مايقدر مايضغط بقوة وتكون ايده خفيفة، أما نورة، ارتخت ملامحها وبدت تسترخي، وراشد لاحظ هالشي
راشد: ها حبيبي أحسن ؟
نورة ابتسمت: طلعت عندك مواهب مخفية، من متى تعرف تسوي مساج ؟ والله ريحتني يزاك الله خير
راشد: أحيدنا وإحنا صغار كل ما اشتكيننا من ويع البطن، أمي مسحتنا بهالزيت، وصدق نرتاح عليه
راشد وقف: بغسل ايدي وراجع لج
يلس ع السرير وحط راسها على فخذه: يلا سمي بالرحمن وارقدي
نورة: انزين سير تغدى و ارتاح، حرام توك راد من الدوام وتعبان
راشد بايده اليسار يمسح على راسها، وبايده اليمين ماسك ايدها
راشد: مب يوعان حبيبتي، أبا أتطمن عليج أول ولاحق على كل شي بعدين
نورة باست ايده اللي ماسك فيها ايدها، غمضت عينها وغطت بالنوم
*******************************************
كان منسدح وسرحان بأفكاره، رن تلفونه ورد
مايد: هلا حصيص
حصة تشهق: أنا لازم أشوفك والحين!!
مايد بصدمة: شبلاج تصيحين ؟؟؟؟؟ شوووو صاير ؟؟؟؟
حصة: مايد ضرووووري نتلاقى
مايد بقلق: حبيبتي هدي أعصابج وكل شي له حل، أنا بعمري ما اختليت فيج، وعارفة اني رافض موضوع اننا نتلاقى لو شو ماكان السبب، أريد أسوي كل شي وياج بالحلال ماغيره
حصة برجاء: دخييييلك مايد طلبتك، لو تحبني لا تردني، لازم أشوفك والله لازم، صدقني موضوع ضروري، في سبب قوي
مايد بلع ريقه بخوف: خلاص ما عليه، بطرش لج اللوكيشن، تعالي هناك انزلي بسرعة واركبي سيارتي على طول، وانتبهي عن حد يشوفج، مب ناقصيين مصايب بروحنا مش مترقعين
