على الصبح
طرشت له كم صورة بالواتساب، والصور كانت عبارة عن علامات ضرب فويهها وايدها، كانت مسوية زوم عشان ماتبين تفاصيل جسمها أو ويهها، لأنها طول فترة علاقتها بمايد عمرها ماطرشت صور تخصها
قام من النوم، فتح تلفونه، شاف الصور وانفجع، تيبّست عظامه! اتصل لها على طول
مايد بانفعال: شو هالكدماااااااات ؟؟؟؟؟؟ حصوه تراج بتيبين لي جلطة، إنتي شو مهببة ؟؟؟؟
حصة تضحك: أمي مكفختني لين ماقالت بس، كل الموضوع انه وقت الملجة مارضيت أوقع، وعلى قولتها فضحتهم، تخيل قفلت علي الباب، ومحرومة من كل شي
كملت باستهزاء: تبا الصدق مادري كيف نست التلفون عندي!
مايد بصدمة: حصة انتي شي استوا بعقلج ؟ شو هذا اللي سويتيه، أبوج واخوانج شو ذنبهم تسودين ويوههم، ماحصلتي طريقة ثانية ؟ ماحصلتي حل ثاني ؟
حصة بعتاب: هذا اللي قدرت عليه؟؟؟؟ أنا مابا غيرك، وسويت هالشي لأني أحبك
مايد قاطعها بحدّه: تحبيني وأحبج ماختلفنا، بس أهلج وسمعتج فوق كل شي
حصة بانهيار: من طلعت على هالدنيا وهيه تختار كل شي عني، عمرها ماخلتني أسوي اللي يريحني، اختارت هواياتي، اختارت ربعي والناس اللي أماشيهم، اختارت لي المدارس والمواد، اختارت لي الجامعه والتخصص، حتى نوع السيارة اللي بسوقها اختارتها
كملت بحسرة: ما يحق لي أختار حُب حياتي ؟ الشخص والشي الوحيد اللي تمنيته من كل قلبي أنحرم منه بعد ؟؟؟؟
مايد بحنيّه: فديت روحج، بس والله اني خايف عليج، انتي مثل الوردة بعيني، شو تتوقعين مني أقول لج وإنتي ضاربينج ضرب اليهد ؟؟؟، حصة حبيبي أنا ماعندي أغلى عنج، ولا أغلى عن حبج، بس الحب اللي من وراه أذى ومضرة أنا ما أرضى فيييه ولا برضى
حصة تتنهد: ترى بعدك ماعرفت كل شي
مايد: خييرررر!!! شو بعد باقي ؟؟؟؟
حصة: ترى كلمت أبوي وإخواني عنك
مايد بقهر: شو سوّو بج ؟ أكيد أذوج ؟؟؟ حصة الله يهديج انتي ليش تسوين بعمرج جيه!!! تراج وايد متهورة
حصة: لو أقولك انهم مالمسو شعرة من راسي و وقفو وياي ضد أمي ؟ حاسيين فيني، رغم إنه المفروض أمي تكون أقرب وحدة لي، بس كل شي معكوس، المهم يا مايد، أنا سويت كل اللي علي عشان ما تنتهي قصتنا، الباقي عليك
مايد بسرور: ماتوقعت!!! وأخيرًا، كل مايأست رفعت ايدي ودعيت، كنت على أمل، والحمد لله ربي استجاب
زفر براحة: أقدر أخطبج يا عيون مايد ؟؟؟؟ خلاص ؟؟؟
حصة بحيا: تقدر
مايد: تم، من اليوم بكلم أهلي
حصة صارخت: لاااااا، اصبر شوي
مايد باستغراب: ليش ؟
حصة باحراج: كيف يشوفوني بهالمنظر ؟ من تروح آثار الضرب بخبرك
مايد: أووه نسيت، على كثر وناستي انه موضوعنا تيسر، على كثر ماقلبي معورني عليج، اوعديني ماتعيدين هالخبال، ماتتخيلين وضعي وأنا أطالع الصور، تيبّست بغيت أموت
حصة: بسم الله عليك
مايد: يلا حبيبتي، اوعديني!
حصة: وعد
