048
စူးယီမော့ ပြောပြီး လျန်ဖုံးကေားကို ဂရုမစိုက်တော့ဘူး ၊ နံရံကိုမှီချလိုက်ပြီး စိတ်ပူစွာနဲ့ အရေးပေါ်ခန်းတံခါးကို ကြည့်ပြီးတော့သာ အဖြေကိုစောင့်နေတော့တယ် ။
ခဏနေက ဆရာဝန်ပြောတာကတော့ ကျင်ချိုးဟန်မိတဲ့ အဆိပ်က အရမ်းထူးဆန်းတယ်၊ ဒီလို အဆိပ်ဖော်စပ်ပုံက တွေ့နေကြမဟုတ်ဘူး၊ တရုတ်ဆေးပညာကို နားလည်တဲ့လူကမှသာ ဖြေဆေးဖေါ်ထုတ်နိုင်လိမ့်မယ် ။ အကယ်၍ အဆိပ်ကိုသာ ကိုယ်တိုင်စမ်းသပ်မထုတ်နိုင်ရင် ဖြေဆေးကို ထုတ်နိုင်ခြေက အရမ်းနည်းတယ် ။
သူတို့ အခု ဆေးကို လျှောက်မသုံးရဲဘူး၊ အူကိုပဲ ဆေးလို့ရမယ် ၊ စောင့်ကြည့်ကုသမှုပဲ ရမယ် ၊ ဒါပေမဲ့ လူနာရဲ့ နှလုံးကိုထိနိုင် မထိနိုင် မသေချာဘူး ၊ နောက်ဆို....အိမ်မှာပဲ အနားယူမှရမယ် ရုပ်ရှင်ဆက်ရိုက်ဖို့ မဖြစ်နိုင်တော့ဘူး ။
ရုပ်ရှင်ဆက်ရိုက်ဖို့ မဖြစ်နိုင်တော့ဘူး ....ဒါက သရုပ်ဆောင်တာကို အလေးထားသူတယောက်အနေနဲ့ ကြီးမားတဲ့ ထိုးနှက်မှုတခုပဲ ။
ဒါ့ကြောင့် ဆရာဝန်က စူးယီမော့ကို ကျင်ချိုးဟန်ကို တရားနဲ့ဖြေဖို့ ပြောခိုင်းနေတာဖြစ်တယ် ။
စူးယီမော့ တခါမှမရဖူးတဲ့ စိတ်ရှုပ်ခြင်းတွေ ခံစားမိတယ် ။
သူကိုယ်တိုင်တောင် ဘယ်လိုဖြစ်မှန်း မခွဲခြားတတ်တော့ဘူး ။
တဖက်က ကျင်ချိုးဟန်ကို စိတ်ပူနေပြီး နောက်တဖက်မှာလည်း ဦးနှောက်ထဲမှာက လျန်ဖုန်းကေား အကြောင်းကို မထိန်းနိုင်ပဲ စဉ်းစားနေမိတယ် ။
လျန်ဖုံးကေားက ဘယ်အလုပ်အပ်နှံမှုကိုမှ လက်မခံတော့ဘူးလို့ သဘောတူထားပြီးမှ မျက်စိတလှည့်မှာပဲ လန်ခွန်း နဲ့ အပေးအယူလုပ်ရဲတယ် ၊ လန်ခွန်း နဲ့ video call တောင် ခေါ်လိုက်သေးတယ် ! video call !! ဒါဆို သူကဘယ်သူဆိုတာ ပေါ်သွားပြီပေါ့ !!!
YOU ARE READING
လူစားထိုး
Actionခေါင်းစဉ် 《替身》လူစားထိုး 作者:北棠墨 မူရင်းရေးသားသူ -ပေထန်မော့ ဘာသာပြန် May Tulips Love အခုခေတ်နောက်ခံ 1 V 1 , HE Zawgyi နဲ့က နောက်တအုပ်ရေးထားပေးတယ်နော်