086
တခါမှမရှိခဲ့ဖူးတဲ့ ကြောက်လန့်ခြင်းတွေ လန်ခွန်းရင်ထဲ ပေါက်ဖွားလာကာ ဒီတခေါက်တော့ သူရှူံးနိမ့်တော့မယ် လို့ သူသတိထားမိလိုက်တယ် ၊ မေတ္တာပိုင်းမှာ .....စူးယီမော့ကို ရှူံးနိမ့်တော့မယ်......
Laptop ကို ပြန်ပိတ်ချလိုက်ပြီး လန်ခွန်း မျက်လုံးမှိတ်ချလိုက်တယ် ။
အတော်ကြာမှ မျက်လုံးကို ဖြတ်ကနဲဖွင့်လိုက်ပြီး မျက်လုံးထဲကနေ အလင်းတွေ ဖြာထွက်နေတယ် ---သူ မကျေနပ်နေဘူး !
ဒီလိုပဲ လက်လွှတ်လိုက်ရမှာကို သူ မကျေနပ်ဘူး ! ကိုယ့် လေးစားကာသဘောကျရတဲ့သူကို မနည်းတွေ့ထားရတာ ၊ ပြီးတော့ သူက ကိုယ့်နဲ့ ပုခုံးချင်းယှဥ်ပြီးအမြင့်ဆုံးမှာ ရပ်နိုင်သူလေ သူဘာလို့ အလွယ်တကူလက်လျော့ရမှာလဲ !
လျန်ဖုံးကေား ၊ တရက်ရက်တော့ မင်းကို ကိုယ်ပိုင်ဆိုင်ရမှာပါ !
ဘယ်လိုပဲဖြစ်ဖြစ် .....အထူးနည်းလမ်းသုံးရရင်တောင်မှပေါ့ !
လန်ခွန်း ဒါကို စဉ်းစားမိတာနဲ့ ရှေ့နှစ်ရက်က ကျင်ချိုးဟန်နဲ့ ဆက်နွယ်မှုကို စဉ်းစားမိပြန်တယ် ၊ သူပြောတာက ...သူ့ (ကျင်ချိုးဟန်)လက်ထဲမှာ စူးယီမော့ထံက စုဆောင်းထားတဲ့ စွန်ရဲလိုက်အဖွဲ့အစည်းရဲ့ အချက်အလက်တွေရှိတယ်တဲ့.....
ကိုယ်က လျန်ဖုံးကေားကို မထိခိုက်စေချင်တာကြောင့် ကျင်ချိုးဟန်နဲ့ ပူးပေါင်းဖို့ကို ငြင်းဆန်ခဲ့တယ် ၊ ဒါပေမဲ့ ဒီအချက်အလက်တွေကို ကောင်းကောင်းအသုံးချနိုင်ရင် လျန်ဖုံးကေားကို ဆွယ်လာလို့ရမယ် ။ ကိုယ်သာ ကောင်းကောင်းအစီအစဉ်ချနိုင်ရင် .....
ဒါကို စဉ်းစားမိတာနဲ့ မျက်လုံးတွေ မှေးချသွာကာ အန္တရယ်ရိပ်တွေ တက်လာတော့တယ် ။
အကြံရပြီးတာနဲ့ လန်ခွန်းရဲ့ စိတ်အတော် သက်သာသွားကာ ခဏဆက်ထိုင်နေပြီးမှ အိမ်မှာ ကောင်ကလေးတဦး ကိုယ့်အခန်းထဲမှာ စာအုပ်တွေစီနေသေးတာ သတိရလိုက်ပြီး ထရပ်ကာ သူ့အခန်းထဲကို ပြန်သွားလိုက်တယ် ။
YOU ARE READING
လူစားထိုး
Actionခေါင်းစဉ် 《替身》လူစားထိုး 作者:北棠墨 မူရင်းရေးသားသူ -ပေထန်မော့ ဘာသာပြန် May Tulips Love အခုခေတ်နောက်ခံ 1 V 1 , HE Zawgyi နဲ့က နောက်တအုပ်ရေးထားပေးတယ်နော်