079
အကြည့်ချင်းတချက်ဆုံပြီးနောက် နှစ်ယောက်သားရဲ့ စိတ်အခြေအနေကလည်း မတူနေကြဘူး ။
စူးယီမော့က အရင်ဆုံး လျန်ဖုံးကေားရဲ့ မျက်နှာရိပ်မျက်နှာကဲကို ကြည့်နေပြီး စိတ်ထဲမှာ တိတ်တိတ်လေး ပျော်သွားမိတယ် ၊ အခုဆို လျန်ဖုံးကေားက လူလိမ်လေးမှန်း သူသိပြီ ၊ ပြီးတော့ လျန်ဖုံးကေားကလည်း ကိုယ်က အားမော့မှန်းသိပြီ ၊ ပြီးတော့ ကိုယ်က သူ့ကို ချစ်ရေးဆိုပြီးပြီလေ ၊ သူဖက်က ဘာတုံ့ပြန်ချက်မှ မရှိသေးပေမဲ့ ကိုယ့်အတွက်ကတော့ ကောင်းတဲ့ အလားအလာတခုပဲ ။
ဆက်ပြီးတော့ နှစ်ယောက်သား တခန်းထဲ အတူတူနေလို့ရတယ်လေ ၊ အခု ကိစ္စက ဖွင့်ချလိုက်ပြီမို့ လျန်ဖုံးကေားက သူ့ရဲ့စိတ်ကို အတင်းတွေ ဖိချထားလည်း ချစ်ရိပ်တွေက ရှိနေတယ်လေ ။
ဒီချစ်ရိပ်ရှိတာလေးကို အသုံးချရင် သူ ယုံကြည်တယ် အချိန်သိပ်မကြာခင်မှာပဲ လူလိမ်လေးက သူ့ကို လက်ခံလာလိမ့်မယ် !
လျန်ဖုံးကေား စဉ်းစားနေတာကတော့ ရှေ့ရက်တွေတုန်းက သူ အလုပ်ရှုပ်ပြီး မေ့သွားလို့ အခန်းပြောင်းဖို့ သတိမရတော့တာလေ ။ ပြီးတော့ ပိုအရေးကြီးတာက သူလည်း ကိုယ်နှစ်သက်တဲ့ သူနဲ့ တကုတင်တည်း အိပ်ရတဲ့ ခံစားချက်ကို မျှော်လင့်နှစ်သက်.....
ဒါပေမဲ့ အခု မတူတော့ဘူးလေ !
အလွှားပါးပါးကို ထိုးဖောက်ချလိုက်ပြီမို့ လျန်ဖုံးကေား ဘယ်လိုလုပ် အရင်အတိုင်း ကိုယ့်ကို စူးယီမော့နဲ့ အတူ အိပ်စေနိုင်ဦးမှာလဲ ? ထပ်ပြောရရင် ၊ ဟိုလိုလို ဒီလိုလိုနဲ့ ချစ်ရိပ်သန်းနေတာက သူလိုချင်တာမျိုးမဟုတ်ဘူးလေ ။
သူအခု လိုအပ်တာက စိတ်ငြိမ်ဖို့ ...စိတ်ငြိမ်ချလိုက်ဖို့ .....
ဒါကိုစဉ်းစားမိလိုက်တာနဲ့ လျန်ဖုံးကေားက စူးယီမော့ သော့ဖွင့်ပြီးတာနဲ့ အရင်ဆုံးတံခါးကို တွန်းဖွင့်ဝင်သွားကာ အဝတ်ဘီဒိုဘက်သွားပြီး ကိုယ့်ရဲ့ ပစ္စည်းတွေကို စပြီး သိမ်းဆည်းကာ အခန်းပြောင်းဖို့ ပြင်တော့တယ် ။
YOU ARE READING
လူစားထိုး
Actionခေါင်းစဉ် 《替身》လူစားထိုး 作者：北棠墨 မူရင်းရေးသားသူ -ပေထန်မော့ ဘာသာပြန် May Tulips Love အခုခေတ်နောက်ခံ 1 V 1 , HE Zawgyi နဲ့က နောက်တအုပ်ရေးထားပေးတယ်နော်
