နိဒါန်းပျို ဆီမှအပြန်လမ်းတွင်....။
" နွေချစ်... "
" အင်း ပြောလေရိုးမ.. "
စက်ဘီးနောက်မှ လိုက်ပါလာသော နွေချစ်ကိုတစ်ချက်သူလှည့်ကြည့်လိုက်၏။ ပြီးနောက် ခပ်သွေ့သွေ့ခြောက်နေသော နှုတ်ခမ်းကိုလျှာဖြင့်သပ်ကာတစ်ချက်ခန့်စိုစွတ်စေလိုက်ပြီးနောက် သူပြောလိုက်သည်။
" ဦးစောလွန်းတည်ကိုဘယ်လိုမြင်လဲ... "
နွေချစ်မျက်နှာမဲ့သွားရ၏။
လာပြန်ပြီ ဒီမေးခွန်း။ သူတို့ဟိုမှာတည်းက ဒီကိစ္စကိုပြောပြီးပြီမဟုတ်လား။ ဒါကိုရိုးမက သူ့စီကဘယ်လိုအဖြေကိုမျှော်လင့်လို့ ဒီမေးခွန်းကိုထပ်မေးရတာလဲ။ တစ်ကယ်ပဲ ဘာကိုသိချင်နေတာလဲ။
" ကဲ... ယင့်ရိုးမနောင် နင်အမှန်တကယ်သိချင်တာကဘာလဲ၊ ငါ့ကို ဒဲ့သာမေးစမ်းပါတော်၊ စိတ်ကသိပ်ရှည်တာမဟုတ်ဘူးနော်၊ ဝေ့လည်ကြောင်ပတ်သိပ်မလုပ်စမ်းနဲ့..."
ရိုးမ မဲ့ခနဲဖြစ်သွားရ၏။ လူပုစိတ်တို ခွေးပုရန်လိုဆိုတာ နွေချစ်မှ နွေချစ်အစစ်။ အရပ်ပုသလောက် စိတ်ကလည်းလက်တစ်ဆစ်။ ပြောလိုက်ရင်လည်း ဘုနဲ့ဘောက် ။
" နင် ငါမေးတာသာဖြေဟာ ၊ပြန်ပြန်မစွာနဲ့... "
" အမယ်နင်ကပဲပြောရတယ်ရှိသေး...ဟိုမှာတည်းက ပြောပြီးပြီလေ၊ ဦးစောလွန်းတည်ဟာ လူကြီးလူကောင်းတစ်ယောက် ပါလို့ "
" သူကလူကြီးလူကောင်းတစ်ဦးဆိုတာ ငါလည်းမငြင်းပါဘူး၊ ဒါပေမယ့်..... "
အင့်!!
" ဟာ ရိုးမစက်ဘီးရပ်မယ်ဆိုလည်းကြိုပြောလေ "
နွေချစ်ရဲ့ ခပ်ဆက်ဆက်အသံကိုကြားနေရပေမယ့်ရိုးမလှည့်မကြည့်သေး။ သူ့စက်ဘီးရှေ့က ပိတ်ရပ်နေသော အမျိုးသားကိုကြည့်၍သူ့နှုတ်ခမ်းတို့တည်တင်းသွားရသည်။
ထိုလူကား...ကိုစိုးမောင်မောင်။
" ဟဲ့..ဟဲ့ ဘာဖြစ်လို့လဲ "
စက်ဘီးနောက်မှ နွေချစ်သည် ကိုစိုးမောင်မောင်ကို မြင်သေးဟန်မတူ။ အဲ့တာနဲ့ သူလည်းပဲ နွေချစ်ကိုလှည့်ကြည့်၍ သတိပေးလိုက်၏။
YOU ARE READING
ရင်ခွင်ရိပ်မြုံ ( Ongoing )
Romance" မင်းကို ဘယ်တော့မှလက်မလွတ်ဖို့က ကိုယ့်ရဲ့ကံကြမ္မာပဲချာတိတ်... " စောလွန်းတည် " မင္းကို ဘယ္ေတာ့မွလက္မလြတ္ဖို႔က ကိုယ့္ရဲ႕ကံၾကမၼာပဲခ်ာတိတ္... " ေစာလြန္းတည္ START DATE: 2023.14.November END DATE : pc/crd
