အပိုင်းဆက်
ညီညာသည့်သွားတန်းလေးများပေါ်သည်အထိပြုံးကာ လက်ပိုက်လျက် ကားကိုမှီထားသောသမိုင်းဦးတည်ကိုတစ်လှည့် ခပ်လှမ်းလှမ်းကသူဌေးမင်းတို့ကိုတစ်လှည့်ကြည့်ရင်း သူကိုယ်တိုင်လည်းကြည်နူးရပါသည်။ သို့ပေမယ့် ထိုပျော်ရွှင်မှုရဲ့နောက်ကွယ်ကအမှန်တရားဟာတော့ ခါးသီးစွာတည်ရှိလျက်။ သက်ခိုင် ဘေးမှ သမိုင်းဦးတည်အား လေးလေးနက်နက်စိုက်ကြည့်ရင်း ထိုလူ့အားတိုးတိုးလေးခေါ်လိုက်မိသည်။
" သူဌေးလေး "
" ကျုပ်ကို သမိုင်းဦးတည် လို့ပဲခေါ်ပါ။အဲ့အတွက်ခင်ဗျားမှာအခွင့်ရှိတယ်။ အဲ့သူဌေးလေး ဆိုတဲ့ဂုဏ်ပုဒ်ကြီးကိုတော့မခေါ်နဲ့ တစ်ခါကြားလိုက်တိုင်းနားထဲကန့်လန့်ကန့်လန့်နဲ့။ ခင်ဗျား စည်းခြားချင်တယ်ဆိုရင်လည်း တခြားနည်းကိုသုံး။ နာမည်ကအစလာပြီး စည်းမခြားနဲ့ ကျုပ်မကြိုက်ဘူးဟုတ်ပြီလား "
သက်ခိုင်နားထောင်ရင်း အသံတိတ်ကျသွားရသည်။ သခင်နှင့်အစေခံဆိုသည့် သိသာသည့်စည်းကိုတော့ခြားချင်ခဲ့တာအမှန်ပင်ဖြစ်နေ၍။သို့ပေမယ့် နာမည်ခေါ်ဆိုခွင့်ပေးတော့လည်း သူမငြင်းပါ။သူ့အတွက်လည်းခက်ခဲသည့်အရာမှမဟုတ်ဘဲ။
" သမိုင်းဦးတည် "
" အင်း.... "
" သူဌေးမင်းပြုံးနေတာကိုမင်းမြင်တယ်မလား "
" အင်း.... မြင်တယ်လေ။ ဘာလို့မေးတာလဲ.... "
" ဒါဆို ငါတို့သိတဲ့သူဌေးမင်းနောက်ဆုံးပြုံးခဲ့တဲ့အချိန်ကိုမင်းမှတ်မိသေးလား "
ရုတ်တရက်ပြုံးပျော်နေသည့်သမိုင်းဦးတည်ရဲ့မျက်နှာဟာ သူ့စကားကြောင့် ချက်ခြင်းတည်သွားလေသည်။ ပြီးနောက် နှုတ်ဖျားမှမပွင့်တပွင့်အသံနှင့် ပြန်ဖြေလာ၏။
" အင်း.... "
သမိုင်းဦးတည်ရဲ့ ထိုမျက်နှာပုံစံအားကြည့်ရင်း သူ မနေတတ်တော့ပေ။
" သမိုင်းဦးတည် "
" ဘာလဲဗျာ.... "
စိတ်မရှည်သည့်ဟန် ဂျစ်တစ်တစ်အသံနှင့် ပြန်ဖြေလာသည့် သမိုင်းဦးတည်အား ငေးကြည့်ကာ စိတ်မရှည်တတ်ရန်ကောဟူ၍တွေးမိ၏။ ထို့နောက် သက်ခိုင်အောက်နှုတ်ခမ်းအားဖိကိုက်၍ ပြောသင့်မပြောသင့်တွေဝေနေမိပြန်သည်။ ဒါပေမယ့် ဒီလူ့ရဲ့တည်ငြိမ်နေမှုကိုလည်းသူမကြိုက်။ ဘာလုပ်သင့်ပါသလဲ။ သူ စဥ်စားနေတုန်းမှာပဲ သမိုင်းဦးတည်က ပြောလာခဲ့သည်။
YOU ARE READING
ရင်ခွင်ရိပ်မြုံ ( Ongoing )
Romance" မင်းကို ဘယ်တော့မှလက်မလွတ်ဖို့က ကိုယ့်ရဲ့ကံကြမ္မာပဲချာတိတ်... " စောလွန်းတည် " မင္းကို ဘယ္ေတာ့မွလက္မလြတ္ဖို႔က ကိုယ့္ရဲ႕ကံၾကမၼာပဲခ်ာတိတ္... " ေစာလြန္းတည္ START DATE: 2023.14.November END DATE : pc/crd
