" ဟာ.. ဒီမိုးကတော့ ကျောင်းဆင်းချိန်ဆိုလုပ်ပြီ... "
" ဟုတ်ပါ့ဟယ်... ကျောင်းစတက်တဲ့ရက်လေးမှာ လှလှပပလေးပြင်ဆင် ကျောင်းဆင်းတဲ့အချိန် ကိုလူပျို တစ်သိုက်ကိုအထာပေးပြီးငမ်းပြစ်မလို့ဟာ.. ခုတော့ဖြင့် မိုးကတအုန်းအုန်းနဲ့ လူတွေကလည်း တရုန်းရုန်းကိုဖြစ်လို့... "
" အမယ်လေးနော်.. ညည်းကလည်း အဲ့ကိစ္စပဲခေါင်းထဲထည့်မနေနဲ့... အခုနှစ်ယောက်လုံးကထီးမပါဘူး ဘယ့်နှယ့်လုပ်ကြမတုန်း... "
" အိုတော်.. တို့ချည်းပဲအပြစ်မတင်နဲ့လေ ယောင်းမကလည်း... တို့ကြံပါ့မယ်... "
ဂျိန်း!!
" အမယ်လေး! ဘုရား ကိုလူပျိုနဲ့ညား!! "
" ဟယ်... မိန်းမ လန့်လို့ဘုရားတတာတောင် ကိုလူပျိုကပါသေးတယ်။ တကယ်ပါပဲ ကြံမယ်ဆိုလည်း မြန်မြန်လေးကြံပါတော့ဟယ်... အဆောင်ကို မိုးတရွဲရွဲ ကြွက်စုတ်ကြွက်ပြတ်ကလေးလို ငါမပြန်ချင်ဘူး... "
" ... ဟော.. ဟိုမှာတွေ့လား.. "
" ဘာရီးလဲ... "
ဗြန်း!
" အာ့.. ယောင်းမ ဘာလို့ရိုက်တာလဲ.. "
" အရေးထဲ နင်ကလူပျိုငမ်းနေတာကိုဟဲ့.. အဲ့တော့ မှတ်လောက်သားလောက်အောင် တစ်ချက်ဗျင်းပေးလိုက်တာ ဘယ်နှယ့်ရှိစ... "
" ဘယ်ကသာ.. မငမ်းပါဘူး ယောင်းမကလည်း.. အဲ့တာ တို့မြန်မာစာက ပထမနှစ်လေးတွေလေ။ ရုပ်လေးကလည်း ချစ်စရာကောင်းတော့ သဘောမနောလည်းကောင်းမှာဟ.. ဘေးမှာလည်း သူငယ်ချင်း မျက်နှာဖြူဘိလပ်သားလေးလည်းရှိတော့... ထီးတစ်ခုတော့ပိုနေမှာ.. တို့အကူအညီသွားတောင်းရင် သူတို့ ထီးငှားပေးလောက်တယ်လေ.. အဲ့တာပြတာကို ထင်ချင်ရာဇွတ်ထင်ပြီး ရိုက်ရသလားလို့... "
" အို.. တို့လည်း သိမှမသိပါပဲလေ။ နောက်နေ့ကျ တောင်းပန်တဲ့အနေနဲ့ မုန့်ကျွေးပါ့မယ်တော်.. အခုတော့ ကလေးတွေမသွားခင် သွက်သွက်ကလေး သွားမေးကြရအောင်.. "
......
......
" ဟိတ်! ကောင်ချောလေး "
" ... "
" ဟိတ်.. မင်းကိုခေါ်တာ အချောလေးရဲ့ "
" ကျွန်... ကျွန်တော်လား... "
YOU ARE READING
ရင်ခွင်ရိပ်မြုံ ( Ongoing )
Romance" မင်းကို ဘယ်တော့မှလက်မလွတ်ဖို့က ကိုယ့်ရဲ့ကံကြမ္မာပဲချာတိတ်... " စောလွန်းတည် " မင္းကို ဘယ္ေတာ့မွလက္မလြတ္ဖို႔က ကိုယ့္ရဲ႕ကံၾကမၼာပဲခ်ာတိတ္... " ေစာလြန္းတည္ START DATE: 2023.14.November END DATE : pc/crd
