_මනෝහර_

01: යක්ස අම්මණ්ඩි

කමෙන්ට් ගෝල් 50

"බූත මාලුවා. සාගර රාස්සයා. මනෝහරව ගිලින්න තනනවා. මනෝහර පීනහන් ගොඩට. හනිකට පීනපන් ගොඩට මනෝහර!!"

තමන්ටම කියා ගන්න ගමන් මනෝහර වේගයෙන් මුහුද කලඹ ගෙන පීනන්න ගත්තෙ ගැහි ගැහී. බූත මාලුවා , සාගර රාස්සයා මූදෙ පාර හිට්ටෝගෙන උගෙ ගමන යනකොට මනෝහර පුලුවන් වේගෙට ගොඩබිමට පීනන්න ගත්තා. වරල රිදෙනකම්ම කිමිදුන මනෝහරට ගොඩබිම සුවඳ දැනෙනකොට වේගෙ අඩාල කරලා හිමීට ඔලුව වතුරෙන් එලියට දැම්මාම මනෝහරට කෑ ගැහුනා.

" ගම්භාර දෙයියන්ටම ඔප්පුවෙච්චාවේ.. මහ මූදට අධිපති වරුණ දෙවියන්ටම ගියාවේ. මයෙ මනුස්සයා නැති සෝකෙට මයෙ ඔලුව අයාලෙ ගියාවත් දො? මනෝහර ගෙ වැල්ලට මක්කද උනෙ. වැල්ල ඉස්සරහ විසාල මාලිගා ගැහුවෙ මොන එකාද?"

මනෝහර තඩි බිල්ඩින් වලට දොස් දෙවොල් තීවා.

මනෝහර ඇස් ලොකු කරගෙන හිමීට මුහුදෙන් එලියට එන ගමන් ගල්පරයක් අස්සට රිංගා ගත්තෙ මනෝහර හංගපු ඇඳුම් හොයා ගන්න හිතාගෙන උනත් ඔහෙ තිබ්බැති ඇඳුමක් නැහැ. මනෝහර පේන විසාල ගොඩනැගිලි දිහා ඇස් ගෙඩි ජම්බෝල ගෙඩි කරගෙන බලාගෙන ඉන්න ගමන් , මනෝහර ගෙ රෙද්ද හොයා ගන්න ඊලග ගල්පරේට මාරු වෙන්න හිමීට එලියට ආවා.

"ආආආආආආආආආආආආආආආආආආආආආආආආආආආආආආආආආ!!"

"ආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආආ"

මිරිස්ස මුහුද බලන්න ආව බිකිනියක් ඇඳ ගත්ත ගෑනියක් නිරුවතින් ගල් පරයක් අස්සෙන් එලියට ආව මනෝහර දැකලා යටිගිරියෙන් කෑ ගහනකොට ඒ ගෑණිගෙ රෝස පාට බිකිනියයි , තද රතු කරපු කොන්ඩෙ යි , මූණ පුරා ලස්සන වෙන්න රතු පාටට ගා ගත්ත තීන්තයි දැකලා මහදවල් යක්සනියක් දැක්කා කියලා රැවටිච්චි මනෝහර ඊට වඩා යටිගිරියෙන් කෑ ගැහුවා.

කවුරු කොහොම කොහෙ අනුමාන කරන්නද , රාහුවා හඳ ගිල්ල වෙලාවේ (චන්ද්‍රග්‍රහණයක්) 1510 න් මනෝහර මූද යට ඉදන් උඩට එන තප්පරේට 2024 ට කාල චක්කරෙ පහු කරගෙන ඒවි කියලා.

"හූ ඊස් දිස් අසහනකාරයා.. කෝල්ද පොලිස්"

බිකිනි අම්මණ්ඩි යටි ගිරියෙන් විලාප තියනකොට මිරිස්සෙ සීක්‍රට් බීච් එක බලන්න ආව දේශිය විදේශීය සංචාරකයො කීප දෙනෙක් එතනට එන්න ගත්තා. අසරණ මනෝහර ඇස් ලොකු කරගෙන බිකිනි අම්මණ්ඩි දිහා බලාගෙන ඉන්නවා.