_මනෝහර_

05 : කිඳුරු සන්නිය

කමෙන්ට් ගෝල් 50 /: ඕක පන්වන්න හොදෙ 🥰

මනෝහර ගෙ කටට ලොලිපොප් එකක් අහු වෙලා තිබ්බෙ. මනෝහර ගෙ දිව්‍ය රාජ යහන් ගබඩාවේ කුෂන් ඇඳේ අතපය හතර දිග ඇදගෙන කටේ මනෝහරගෙ කූර ගහපු පැණි ගෙඩිය ගහගෙන පාඩුවේ හිටියා. ඇස් පියාගෙන මහා ධාන්‍ය ඔලුවට ගහගෙන ඒක අස්සට සම වැදිලා හිටපු මනෝහර ට එලියෙක් හිචි බිචියක් ඇහුනාම මනෝහර ඉද්දෙ ගැහුවා වගෙ කෙලින් උනා.

හීන් සැරේ කාමරෙයෙන් එලියට බඩ ගෑව මනෝහර දොරෙන් එලියට බෙල්ල දිග් කලාම මනෝහර දැක්කෙ මනෝහර ගෙ සැප සින්හාසනෙ සිංහාරූඪ වෙලා හිකි බිකි ගාන අම්මණ්ඩියෙක්. ඊට එහා පැත්තෙන් ඉඳගෙන ඉන්න මනෝහර ගෙ මහත්තයාව.

"ඉදකින් වනචර අම්මණ්ඩි. රොඩී කුලෙ ඇත්ති මේක අස්සෙත් රිංගගෙනෙ. මේකි මයෙ මහත්තයා ගෙ අතිනුත් අල්ලගෙන. බුදු අප්පේ සමන් දෙයි හාමුදුරුවනේ!! මෙන්න ඒ පාර මේකි මයෙ මහත්තයා ගෙ කකුල අල්ලනවා. මනෝහරවත් අල්ලලා නැති මයෙ මහත්තයා ගෙ ඇඟ පත අල්ලන්න මේකිට කොහෙන්ද හයියක්. මයෙ මහත්තයාට නීච කුල වශියක් කරගෙනද කොහෙදො මේකි. වනචර බැල්ලි!!"

මනෝහර කම්මුලට අත තියාගෙන තරහෙන් කියාගෙන කියාගෙන ගියෙ සෙනේෂ් දිහා බලාගෙන. ටිකක් වෙලා කල්පනා කරපු මනෝහර එතනට යන්න නිදහසට කරුණක් කල්පනා කලෙ , කාමරෙන් එලියට බැස්සොත් පෑල දොරෙන් දොට්ට දානවා කියලා සෙනේෂ් මනෝහරට තර්ජනය කරලා තිබ්බ නිසා.

ඔලුව බරු ගහ ගහ ටිකක් වෙලා කල්පනාවට වැටුනු මනෝහර ට අදහසක් ඉහට පාත් උනා.

" දෙන්නම් අම්මණ්ඩියෙ මනෝහර..!! උඹලා මෙච්චර කල් දැක්කෙ මහා කෝළ සන්නි යක්ක උත්තමයා ගෙ අවතාර දහ අටෙන් ඉපදිච්ච සන්නි දහ අට විතර නෙ. එහෙනම් බලා ගනින් දැන් කිඳුරු සන්නිය දැන්. වනචර බැල්ලි"

මනෝහර පපුවට අත් දෙක බැඳගෙන තමන්ටම කියා ගත්තා. මනුපුරට බට හනුමන්තා වගේ මනෝහර පැන පැන අඩි දෙක තුනක් කඩාගෙන ඉස්සරහට යනකොට සනේෂුයි මනෝහර ගෙ රොඩී කුලෙ ඇත්තියි මනෝහර දිහා බැලුවා.

"ඔහ්. හූ ඊස් දිස්?"

රොඩී කුලෙ ඇත්ති අමුතු විච්චූරණ භාෂාවකින් කතා කරනකොට මනෝහර ගෙ මූණ දෙක උනා. මේ අමුතු විච්චූරණ මනෝහර ට තේරෙන එකක්ද?