"ඔහ් ඒකත් එහෙමද? දෙයියනේ ප්‍රොෆෙසර්. ඔය සම්නායක ඇමතියා ගැන පොලිසියට කම්ප්ලේන් කරත් වැඩක් නැහැ"
සෙනේෂ් ගෙ තරහෙන් පිරුණු කටහඩ මනෝහර ට ඇහුනා. කවුච් එකට වෙලා නින්දක් දාන මනෝහර උන්නෙ සෙනේෂ් තාම නින්දට ගිහින් උන්නෙ නැති නිසා. ආපු වෙලෙ ඉඳන්ම මේකා වත්සලට ශාප කරන ගමන් ට්‍රෙන්ඩින් යන පෝස්ට් වලට හූල්ලනවා. තමන්ගෙ මහත්තයා නිදා නොගෙන ඉන්නකොට මනෝහර කෝමැයි ඇහැක් පියා ගන්නෙ. ඉතින් මේකත් නිදි කිර කිර එතනමයි.
ටික වෙලාවකින් සෙනේෂ්ගෙ ෆෝන් යකා කෑ ගැහුවා. මහ රෑ ජාමෙ මනෝහරත් නිදිය කියලා හිතාන සෙනේෂ් ෆෝන් එක ලවුඩ්ස්පීකස් දාලාම පැත්තකින් තියලා කෝල් කරපු මහචාර්ය සමුද්ධ එක්කලා කතා කරන්ඩ පටන් ගත්තා.
"ඔව් සෙනේෂ්. ඒකගෙ හෙංචයියො වෙන්න ඕනෙ සාගර කෞතුකාගාරයත් මංකොල්ල කෑවෙ. දැන් අපෙ විද්‍යාගාරයත්. සේරම පාඩු දරා ගන්න පුලුවන් , මුන් අස්රූ මුතු ඇටය උස්සන් ගිහිල්ලා නේ..."
ප්‍රොෆෙසර් කියනකොට සෙනේෂ් තරහෙන් වෙව්ලනවා සෙනේෂ් ට දැනුනා. තරහේ තරම කියන්ඩ මේකා අත් දෙකත් එක්ක ලා මිට මොලවගෙන දත් මිටි කෑවා.
"ප්‍රොෆෙසර් , ඒකා ඕක උස්සන් කොහෙද ගියේ කියලා ප්‍රොෆෙසර් ට අයිඩියා එකක් තියනවා?"
සෙනේෂ් ඇහුවේ දෙයක් හිතෙ තියාන. සෙනේෂ්ට සැලැස්මක් තිවුනා.
"ම්.. ඒකා උගෙ ගෙදර උස්සන් යන්නෙ නැහැ. ගිය වතාවේ පෙත්සම් ගහලා ගහලා අවසානෙ උගෙ ගෙදර චෙක් කලාම කිසි හත්වලාමක් ඒක අස්සෙ නෑනෙ. මහ හිතෙන විදියට..... මූ ඒක......."
"පෑලියගොඩ තීන උගෙ පරණ බංගලාවේ. ඔව්. ඕකාට ඕක හංගනවා නම් හංගන්න තියෙන්නෙ ඒකෙ.. මුරකාරයෝ ඇති වෙන්න ඉන්නවා. මොකෙක්වත් ඒක දිරාපත් වෙලා නිසා අහලකටවත් එන්නෙ නැහැ. ඌ ඒක හංගගෙන ඇති"
මහාචාර්ය සමුද්ධ තටමනකොට එක සෙනේෂ් කීවාම මහාචාර්යවරයා අනුමත කරන හඩක් නැගුවා.
"හරි මම ඕකා ගැන බලා ගන්නම්. ඌ දන්නෑ මගෙ හැටි. පොලිසියටවත් රජයටවත් ඌ ගැන පියවරක් ගන්න බැරි නම් , රජයටයි මහ මූදටයි අයිති දේවල් ගැන මම පියවරක් ගන්නම්!!"
YOU ARE READING
_මනෝහර_
Fantasy" මහා කෝළ සන්නි යක්ක උත්තමයගෙ අවතාර දහ අටෙන් ඉපදුණු සන්නි දහ අට දැක්කට ඔය ඇත්තො තාම කිඳුරු සන්නිය දැකලා නෑ නොවැ. ඔන්න බලා ගනිල්ලා මේකයි කිඳුරු සන්නිය!! " Cover credit goes to : lchi_jk
