_මනෝහර_

41 : කට පිච්චෙයි පිස්සු මනුස්සයො

කමෙන්ට් ගෝල් 50

" ටිකක් වාහනේ නතර කරනවා "

ඇවිදින මංතීරුව ගාවින් වේගයෙන් ධාවනය වෙන ප්‍රියස් රථය නතර කරන ලෙස රියදුරාට අණ කරන ගමන් වත්සල ආසනෙ හරි බරි ගැහුනේ , ෂටර් එක ඇරාන මූණ එලියට දිග් කරන ගමන්.

"අර අතන මූණ දික් කරගෙන වාඩි වෙලා ඉන්නෙ අර සෙනේෂයා එක්ක ඉන්න පිස්සා නේද? යාන්තමට පොද වැස්සකුත් වහිනවා. අර පිස්සා තනියම මක්ක කරනවාද?"

වත්සල මුමුණන ගමන් වාහනෙන් බැස්සෙ කුඩයත් ඉහලගෙන. වත්සල කොහොම දැන ගන්නද මනෝහර එතන හෝරාවක් තිස්සෙ ඉද්ද ගැහුවාය වගේ කෙලින් ඉඳගෙන සෙනේෂ් එනකම් බලාන උන්නු විත්තිය. සෙනේෂ් කොහෙවත් යන්ඩ එපාය කීව නිසා මනෝහර ට එතැනින් සෙනේෂ් ගිය ඉසව්වට ගිහිල්ලා හොයන්න විදියක් තිවුනෙත් නෑ. මේකට බය හිතුනේ තමන්ට සෙනේෂ්ව මග ඇරේවිය කියලා. ඉතින් ඒකා පපුව ඇවිලෙද්දී බයකින් වගේම මූසල ගතියකින් එතැනම වාඩි වෙලා උන්නෙ මල් ඔටුන්නත් අතෙ ගුලි කරාන.

සෙනේෂ් ගිය ඉසව්ව ඇහි පිය නොහෙලා බලා උන්නු මනෝහරට තේරුනා තමන් ගාවින් මොකෙක් හරි නතර වෙනවා. උඩින් ඉහලුනෙ කුඩයක් විත්තිය තේරුනාම මනෝහර ගෙ දෙතොල් අතර රැඳි හිනාව එක්කලා ඒකා ඉඳගෙන උන්නු තැනින් නැගිට්ටා.

"මයෙ මහත්තයා , මනෝහර ඩිංගිත්තක් බය..."

මනෝහර කියාන නැගිට්ටත් එයැයි දැක්කෙ තමන් දිහා පුදුමෙන් බලාන ඉන්න වත්සල. මනෝහර ගෙ මූණ ඇද වෙද්දී මනෝහර වත්සලට දෙකක් රවා ගත්තා.

"මොකද ඔරවන්නෙ ඔරන්හොටන් වගෙ? මෙතන තෙමි තෙමී මක්කද කරන්නෙ උඹ ආ?"

වත්සල ඇහිබැමක් උස්සනකොට මනෝහර තොල් දෙක උල් කරාන අහක බලා ගත්තා.

"මයෙ මහත්තයා එනකම් ඉන්නෙ ඕන්"

මනෝහර අහක බලාන කියනකොට වත්සල මනෝහර ට දෙකක් රැව්වා.

"ඉතින් කෝ ඒකා. තමුසෙව මෙතන දාලා ගිහිල්ලා නෙ තෙමෙන්න ඇරලා. අපරාදෙ හොඳ ෆොටො ටිකක් ගන්න තිබ්බෙ සෙනේෂ් ගෙ ලෙඩ්ඩු බලා ගැනිල්ල ගැන ආයෙම ට්‍රෙන්ඩින් යවන්න. කොහෙද උඹ හිටපු විදියට මට දුක හිතුනා"