කමෙන්ට් ගෝල් 50 /: පන්වන්න හොඳේ
සෙනේෂ් වරුවකට විතර පිටට ගියේ ඉස්සරහට තියෙන්න තියන ෂෝ එකට පුරුදු වෙන්නය කියලා. මනෝහරවත් ඇන්න එතනට රිංගන්න ගියොත් හැදිල තියන කයි කතන්දර මදිවට තවත් කයි කතන්දර ගොන්නක් හදා ගන්න වෙනවාය කියලා දන්න නිසා සෙනේෂ් තනි පංගලමේ එලියට බැස්සේ මනෝහරව ගෙදර ලතා එක්ක තියලා. පුහුණුවෙන් පස්සෙ ගෙදර එනකොට සෙනේෂ් ගෙ හිතෙ තිවුනෙ මනෝහර ගෙදර දෙක කරලා තියයි කියලා උනත් මනෝහර පේන තෙක් මානෙක උන්නෙ නැහැ.
"ලතා.. ලතා.... කොහෙද මේ ලතා"
"ඇයි මහත්තයා"
ලතා කුස්සියෙ පැත්තෙ ඒකිට අටවලා තිවුන කාමරේ ඉඳන් කන් දෙකෙ ඇබ දෙකකුත් ගහාන ගඩොල් කැටේ වගෙ තිවුන ෆෝන් එකත් උස්සන් එලියට එනකොට සෙනේෂ් රැව්වා.
"උඹට වැඩ නැතිවද ඕක මම ඔබන්නෙ? මනෝහර කාලාද? මොන හත්වලාමක්ද වැඩක් නොකර බලන්නේ උඹ?"
සෙනේෂ් රවනකොට ලතා එක ඇබයක් පැත්තකට කරලා නිදහසට කරුණු ගොතන්න ගත්තේ මූණ නැඹිලිය කරාන.
"මම බෙඩ් ෆ්රෙන්ඩ්ස් බලනවා මහත්තයා. මනෝහර කොල්ලාට එක මාළුවක් එක්කලා බතක් ඇතිය කීවා. ඉතින් මම ඒකට පපඩමක් බැදලා පරිප්පු හොද්දක් එක්ක අල තම්පරාදුවක් හදලා දුන්නාම ඒකා ඒක අත ගාලා කාමරේට ගියා ඔන්න. මොකො ඒකා මසක් මාලුවක් කන එකක්යෑ. මමත් ඒ මාලු දෙකම කාලා කරන්න වැඩක් නැති එකෙ කාමරේට වැදුනා. මහත්තයා පිටින් දවල්ට කාලා එනවා කියලා කීවනේ... "
ලතා කියාගෙන කියාගෙන යනකොට ලතාගෙ 'බෙඩ් ෆ්රෙන්ඩ්ස්' කෙරුවාවෙ උණුහුම ලතා මනෝහර හරියට නොකෑව එකක් ගැන කීව නිසා සෙනේෂ්ගෙ හිතින් පහව ගියා. ලතාට දෙකක් රවපු සෙනේෂ් මනෝහරව හොයාන කාමරේ පැත්තට ඇදෙන්න ගත්තෙ ලතා හිනාවක් පාගෙන සෙනේෂ් යන දිහා බලන් ඉන්නකොට.
"යසයි යසයි දැන් මහත්තයාගෙ කෙරුවාව. ලඟදීම ලතා උඹට සල්ලි කපාන ඔය කොලු කතා බලන වැඩේට තිත තියලා මේක අස්සෙම අගේ ඇති කතාන්දරයක් බලා ගන්න පුලුවන්"
සිහින් හිචි බිචියක් නගපු ලතා ඇබ දෙක ආයෙම කනේ ඔබාන කාමරේට වැදෙන අතර වාරේ සෙනේෂ් හීන් සැරේ මනෝහර ගෙ කාමරේට ගාටලා ඒක අස්සට එබුනා.
YOU ARE READING
_මනෝහර_
Fantasy" මහා කෝළ සන්නි යක්ක උත්තමයගෙ අවතාර දහ අටෙන් ඉපදුණු සන්නි දහ අට දැක්කට ඔය ඇත්තො තාම කිඳුරු සන්නිය දැකලා නෑ නොවැ. ඔන්න බලා ගනිල්ලා මේකයි කිඳුරු සන්නිය!! " Cover credit goes to : lchi_jk
