_මනෝහර_

32 : මොකක්ද උඹ මට කලේ?

කමෙන්ට් ගෝල් 50

"මනෝහර? මනෝහර මොනවැයි මේ වැල්ලට වෙලා හවස් ජාමේ කරන්නේ ආ.. මළ යක්කු එලිබහින වෙලාව කීවලු"

තවේෂ් වැල්ලට ආවේ මනෝහර පේන්න නැති නිසා, මේකා මොන හත්වලාමක මකබෑවුනාද කියලා හොයන්ඩ. හොඳ වෙලාවට වගේ මේකා වැල්ලට වෙලා මොකක්දෝ කෙරුවාවක් කරන්න පටන් අරගෙනය වග තවේෂ් ඈත තියාම දැක්කා. හිනාවක් මූණට නගාගෙන තවේෂ් මනෝහර ගායට පාත් වෙනකොට මනෝහර හනික කර කර උන්නු දේ නතර කරලා , අතේ තිවුන දේ පිටිපස්සට කරලා හංගා ගත්තා.

"මොනවැයි හංගෙන්නේ? ම්ම්? පෙන්නමු බලන්ඩ අපිටත්"

තවේෂ් පපුව මත්තෙ අත් දෙක බැඳගෙන කියවනකොට මනෝහර බිම බලලා කෝල හිනාවක් පෑවා. තවේෂ් මනෝහර දිහා බලානම වැල්ලෙ ඇණ තියා ගත්තා.

"මොනවැයි හංගන්නෙ ම්ම්?"

"වැඩ නම් අහවර විත්තිය ඇත්ත. ඒත් මනෝහර තවේෂ් යාලුට ඒක දෙන්න තැනුවේ නම් මෙහෙම නෙවේය ඕන්.."

මනෝහර හුරතල් තාලයට මුමුණනකොට තවේෂ්ගෙ හිතෙ කුතුහලයක් ඇති උනේ මනෝහර ඔච්චරටම අගය කරන්නෙ මොනවාද කියලා බලන්න. තවේෂ් හිනා වෙලා මනෝහර පිටිපස්සට කරගෙන හංගගෙන ඉන්න වස්තුව ඇදලා ගන්න තනනකොට මනෝහර හිනා වෙවී නැගිටලා දුවන්න පටන් ගත්තා.

"මේකගෙත් හරි කෝලම. මනෝහර යාලු. ඔහොම හිටින්කො ඩිංගිත්තක්"

කෑ ගහපු තවේෂ් කොලූ මනෝහර ගෙ පස්සෙන් දුවන්න ගත්තා. සෙල්ලමට එහෙ මෙහෙ පනිමින් උන්නු මනෝහරව තවේෂ් විනාඩියක් යන්නත් මත්තෙන් අත් අස්සෙ තද කර ගත්තාම මේකා තවේෂ්ගෙ අත් අතරෙ හිර උනා.

ඇස් දෙකත් එක්ක තඩිසි කර ගත්ත මනෝහර එක අතක් පිටිපස්සට කරගෙන , වමතෙ ගුලි කර ගත්ත ඒකා ගොත ගොත උන්නු පලඳනා තවේෂ්ගෙ පපුවට තියලා තද කරල බිම බලා ගත්තා. පපුව සද්දෙන් ගැහෙන්ඩ ගත්තාම තවේෂ් ගෙ ඇස් හිමීට මනෝහර ගෙ අතේ තිවුන පලඳනාවට යොමු උනේ නොදැනීමයි.

"මෙයැයිටද?"

"හ්ම්. මනෝහර ගෙ යාලුට මනෝහර ගෙන්"

මනෝහර හිමීට තවේෂ්ට අත් පලඳනාව දිගු කරද්දී තවේෂ් ඒක දිහා බලාන උන්නා. මෙතුවක් කාලෙකට මෙච්චර ලස්සන ගෙතුමක් තවේෂ්ගෙ ඇහැ ගැටිලා තිවුනෙ නැහැ. දැලක් විදියට හදපු යකඩ නූල් වල සිප්පි කටු අමුනලා හදපු නිමැයුමට මනෝහර සෑහෙන්න තරමට මහන්සි වෙලා ඇතිය කියලා තවේෂ්ට හිතුනා.