කමෙන්ට් ගෝල් 50
අහර්ශ බෝයි ෆ්‍රෙන්ඩ්ස්ලාට දෙන ආදර බර වදන් ලියලා තියන කාඩ් දිහා බල බලා උන්නෙ ශයාන්ට එකක් තෑගි කරන්න හිතාන. දස වද දීලා , ඒකා එක්ක රණ්ඩු වෙලා අවසානෙ මල් බොකියකිනුත් ප්‍රහාරයක් එල්ල කරලා යාලු කර ගත්තාට පස්සෙ අහර්ශට ශයාන්ට සැනසිලි තෑග්ගක් දෙන්ඩ උවමනාව තිවුනා. ඒ නිසා කැම්පස් එකෙ ක්‍රිකට් ප්‍රැක්ටිස් ඉවර වෙලා ඒකා පොත් කඩයක් අස්සට රිංගලා කාඩ් ගැන අධ්‍යනය කරනකොට වැඩ කරන ගෑණු ළමයා එතනට ආවා.
"කාටද මල්ලි ගර්ල් ෆ්‍රෙන්ඩ්ටද?"
කෙල්ල අහර්ශ දිහා බලලා හිනා වෙලා අහනකොට අහර්ශ පැත්තට කපපු කොන්ඩෙ අතින් හදාන හිනා උනා.
"නෑ අක්කෙ, මගෙ බෝයි ෆ්‍රෙන්ඩ්ට. කෝ ඔයාලා ගාව හරිහමන් කාඩ් එකක් නෑනෙ. සේරගෙම ගෑණු මිනිස්සු ඉන්නෙ"
අක්කාගෙ කට බාගෙට ඇරෙනකොට අහර්ශ පිප්පුවා. ඇත්තටම එතන තිවුන හැම ඉලව් කාඩ් එකකම තිවුනෙ කෙල්ලො කොල්ලො අත් අල්ලගෙන ඉන්න රූප මිසෙක අහර්ශටයි ශයාන්ටයි ගැලපෙන එකක් හම්බුනෙ නැහැ. ඒකා කාඩ් මිටිය එලියට ඇදලා එකෙන් එක රවාන බලන් ගියා.
' තාත්තාට දෙන කාඩ් එකක් ඩැඩී කියලා ශයාන්ට.... ඉදකින් අහර්ශ මොනවද හිතන්නෙ. අර පොඩි එකාට ඩැඩී ගාන්නද යන්නෙ උඹ? චික් විතරක්... අරකා අණ්ණා ගාගෙන මූණ රතු කරගෙන සහ අට වන්නම නටයි'
අහර්ශ මූණ ඤොරොක් කරගෙන කරන ඉලව්ව දිහා බෝයි ෆ්‍රෙන්ඩ් කතාව දිරවා ගන්න උත්සාහ කර කර උන්නු කඩේ අක්කා බලාන උන්නා. ඒකිට විනාඩි කීපයක්ම ගත උනා යන්තම් හරි ඉස්මුරුත්තාවට එන්ඩෙ නැතිව අහර්ශගෙ බෝයි ෆ්‍රෙන්ඩ් කතාව දිරවා ගන්න.
"දෙ.. දෙන්නකො මල්ලි... ම්ම්... මේක හොඳ නැද්ද?"
තඩි ගෙත්තම් කරපු හාට් එකක් ලොකුවට ගැහුව කාඩ් එකක් අහර්ශගෙ මූණට අක්කා දික් කරනකොට අහර්ශ ඒක අතට අරගෙන ඔලුව වැනුවා. මෙච්චර වෙලා අහර්ශගෙ ඇස් වලට ඒ ඉලව්ව අහු නොවුණට ඒ කාඩ් එකෙත් අමුතුම ලස්සනක් නැත්තෙම නැති විත්තිය අහර්ශ පිලි ගත්තා. ඇරත් අහර්ශ කොලපතක් දෙකට නවලා දුන්නත් අරකාට මහ මෙරක් විත්තිය අහර්ශ දන්නවා
YOU ARE READING
_මනෝහර_
Fantasy" මහා කෝළ සන්නි යක්ක උත්තමයගෙ අවතාර දහ අටෙන් ඉපදුණු සන්නි දහ අට දැක්කට ඔය ඇත්තො තාම කිඳුරු සන්නිය දැකලා නෑ නොවැ. ඔන්න බලා ගනිල්ලා මේකයි කිඳුරු සන්නිය!! " Cover credit goes to : lchi_jk
