_මනෝහර_

38 : කිළි පච්චෛ නිරම්

කමෙන්ට් ගෝල් 50

සමන්මලී මගෙ මලී සමන් මලී
සමන්මලී මගෙ මලී සමන් මලී
නටුවේ කටු නැති රෝස මලී
අතු අග පිපි සුදු පිච්ච මලී

" මොන කාලකන්නි යකෙක්ද මේ මළ පාන්දර සමන්මලියෙක් ගැන කියන්නේ? මුගෙ හත්මුතු පාරම්පරාවේ නම ගෑවිච්ච ඉහක් කොනෙක් ගානෙ අනේ හෙන වැදියන්. මිනිහෙක්ට නිදහස..... ආආආආආආආආආආආආආආආ"

හත්මුතු පරම්පරාවකට ශාප කරන ගමන් උදෙන්ම ඇහෙන අහර්ශගෙ සමන්මලී සින්දුවට ඔලුව ඉස්සුව සෙනේෂ්ට කෑ ගැහුනේ තමන්ට එයා පැත්තේ , පපුවට තුරුලු වේගන නිදාන ඉන්න පොඩිත්තා දැකලා. තොල් දෙක උලක් කරාන හීන වලට මූණ ඇද කර කර රව රවා මේකා මර නින්දෙ සෙනේෂ්ගෙ පපුව මත්තෙ.

ගැස්සුණ සෙනේෂ් පස්සට පැනලා ඇඳ මත්තෙ වාඩි වෙනකොට මනෝහර හීනියට ඇස් දෙක යාන්තමින් අරිනවා සෙනේෂ් බලාන.

"මම කො...හොමද මූ එක්ක මෙතන"

සෙනේෂ් යන්තම් දොඩා ගන්න තනනකොටම ඒකගෙ ඔලුවට ආවේ ඊයෙ රාත්‍රිය. මනෝහරව ඇඳ උඩට තද කරාන තමන් ඒකගෙ දෙතොල් වල පහස වින්ද විදිය වගේම ඒකත් ආපිට තමන්ව සිප ගත්ත විදිය. එහෙමම එතැනම වැටිලා බීමතින් උන්නු තමන්ට නින්ද යනකොට මනෝහරටත් එතනම නින්ද යන්න ඇතිය කියලා සෙනේෂ් කල්පනා කලා. ඩිංගිත්තක් මනෝහර දිහා බලාන උන්නු සෙනේෂ් නැගිටලා බිත්තියට හේත්තු උනා.

"ඊ..යෙ රෑ..."

සෙනේෂ් කියනකොට මනෝහර කෝල විදියට බිම බලා ගන්නකොට මේකාගෙ ඊයෙ  සිද්ධිය නම් ඒ හැටි අමනාපයක් නැති විත්තිය සෙනේෂ්ට තේරුනා. ඒත් ඔහුට වරදක් වගේම මනෝහර ට අතවරයක් කලා වගේ හැඟීමක් දැනෙන්න ගත්තා.

"මම.. මට සමාවෙන්න. ම..ම මම මොකද කලේ.. මට කියන්න බෑ මනෝහර ට ඒ වගෙ දෙයක් අමතක කරලා දාන්න කියලා. ඒත් මනෝහර.. මට සමාවෙලා... ඒක.. ඒක අමතක කරන්න. මම හිතලා නෙවේ... දෙයියනේ මම මොකක්ද මේ අහිංසකයෙක්ට කලේ..  හරියට තේරුමක්වත් නැති බේත්  බොන අහිංසකයෙක්ව ඇඳෙ දාගෙන ඉඹින්න ගත්තෙ උඹ අසහනකාරයෙක්ද සෙනේෂ්?"

සෙනේෂ් තමන්ගෙ කම්මුලට පාරක් ගහ ගන්නකොට මනෝහර ගැස්සුණා. හනික ඇඳෙන් නැගිටලා ඇවිල්ලා සෙනේෂ් ගෙ අතින් අල්ලා ගත්ත මනෝහර ඒ අතෙ එල්ලුනා. ඊයෙ පස්සෙ ඒකාගෙ ඇගිලි තුඩු වලින් සෙනේෂ් ගෙ පුපුරු ගහන කම්මුල හිමීට අත ගෑවා.