කමෙන්ට් ගෝල් 50/
මනෝහර කලු පාට තඩි ලී කෑල්ල උඩ එහෙම මෙහෙ උන පින්තූර දිහා කට බලියාගෙන ආසාවෙන් බලාන උන්නේ. ආවම දවසෙ වගේ ඒකාට කලු පාට තඩි ලී කෑල්ල අස්සෙ හිර උන සත්තු ඒ අටමගල කුඩු කරලා එලියට දක්කන්න ආසාවක් තිවුනට , මේ විසි එක්වන ශතවර්ෂයේ මායාවක් විත්තිය දැන ගත්තායින් අනතුරුව ඒකා ඒ අදහස පැත්තකින් තිවුවා. ඉතින් සෙනේෂ් ඒකාට දාලා දුන්න animal planet නාලිකාවේ වේගයෙන් පනින 'පනින හපන් යාලුලා' දිහා මනෝහර ආසාවෙන් බලන් උන්නේ මේකා මීට කලින් කවදාවත් කැන්ගරුවෝ දැකලා නැති නිසා.
නුවර ගමන අසාර්ථක වෙච්චි නිසා සෙනේෂ් ඊට පහුවදා හවස් වෙලා කට්ටිය එක්කලා ආයෙම කොලඹ ආවා. ශයාන්ගෙන් සෙනේෂ් සමාව ඉල්ලුවේ තමන් සංවිධානය කරපු විනෝද චාරිකාව ඒ විදියට සිද්ධ නොවුන නිසා උනත්, සෙනේෂ්ට වෙන විකල්පයක් ඉතිරි වෙලා තිවුනෙ නැහැ. හැම තැනම ට්‍රෙන්ඩින් යන සාප රූපරාමු පෙලක් එක්කලා සෙනේෂ්ට කිසිම කෙරුවාවක් කරන්න ඉතිරි වෙලා තිවුනෙත් නැහැ. ආයම දවසක නුවර අරන් යන්නම් කියලා සෙනේෂ් මල්ලිට පොරොන්දු වෙලා නිශ්ශබ්ද උනා. ඒ විතරක් නෙවෙයි , තමන් සල්ලි කලේ මනෝහර ගෙ කඳුළු විත්තිය දැන ගත්ත සෙනේෂ්ගෙ කම්පනය දවස් දෙක තුනක් යනකම් වත් ඇරුනෙ නැහැ.
" පරම්පරාවට එක්කලා මගෙ සහ ගහනවා කරපු අපරාදෙට... මම ආදරේ කරන එකා ගෙ වේදනාව විකුණුව පවට වැදෙන ශාපයක් මට වැදියන් , මගෙ අහිංසක මල්ලිට නැතිව.... මට සමාවෙන්න මගෙ මනෝහර "
මනෝහර කොච්චර හිත හදන්න තැනුවත් සෙනේෂ් හැමදාම රෑට මනෝහරව බදාගෙන මුමුණන කොට මනෝහර උන්නෙ කදුලු අමාරුවෙන් පාලනය කරගෙන. ගිය ආත්මේ වගේම මේ ආත්මෙත් සෙනේෂ් නොසෑහෙන්න කම්පනය වෙලා උන්නේ තමන් කරපු දේ නිසා. හතර වෙනි දවසෙ සෙනේෂ් යන්තමින් සාමාන්‍ය අතට හැරෙනකොට ලතා අක්කණ්ඩිව බඩු වගයක් ගන්න සුපර් මාකට් එක්කගෙන යන්න සෙනේෂ් පොරොන්දු උනා. ඒ විදියට මනෝහරට ටීවී එක දාලා දීලා සෙනේෂ් ඒකි එක්කලා ඩිංගිත්තකට එලියට ගියා.
"මනෝහර අයියේ..."
රූප පෙට්ටිය දිහා ඇස් ලොකු කරාන බලාන ඉන්න මනෝහර ගාවට පාත් වෙච්චි අහර්ශ මුමුණන කොට මනෝහර ඔලුව උස්සලා බැලුවා. ඒකා බෑග් එකකුත් කරේ දාන තොප්පියක් දාගෙන උන්නෙ එලියට යන්න විත්තිය තේරුනාම මනෝහර නැගිටලා අහර්ශ දිහා බැලුවා.
YOU ARE READING
_මනෝහර_
Fantasy" මහා කෝළ සන්නි යක්ක උත්තමයගෙ අවතාර දහ අටෙන් ඉපදුණු සන්නි දහ අට දැක්කට ඔය ඇත්තො තාම කිඳුරු සන්නිය දැකලා නෑ නොවැ. ඔන්න බලා ගනිල්ලා මේකයි කිඳුරු සන්නිය!! " Cover credit goes to : lchi_jk
