කමෙන්ට් ගෝල් 50 (ඕක පන්වන්න ඈ)
මනෝහර ඒකාගෙයි තවේෂ්ගෙයි පැලකොටේ ගාවට බඩගෑවේ වෙව්ල වෙව්ලා. ඒකාට අහසේ තරු පොලොවට කඩාගෙන වැටුනත් , දේදුන්නෙ පාට වෙනස් උනත් , ඉර බස්නාහිරෙන් පෑව්වත් විශ්වාසේ තිවුනා ඒකාගෙ මහත්තයා ඒකාට පිටු පාන්නෙ නැති විත්තිය. පපුවට ගහ ගන්නා ගමන් ඒකා දුවගෙන ගියා. ඒකා ධනුද්දරයාගෙ වචන තඹ දොයිතුවකට විශ්වාස කලේ නැහැ. ඒත් ඒකා " උඹට ඕනෙ නම් ගිහින්ම බලපන්කෝ... " කියලා ගානක් නැතිව කීව වචන? අතේ පත්තු වෙන බොරුවක් කියන්ඩ ධනුද්දරයාට තිවුන උවමනාව මක්කද කියන ප්‍රස්නෙ මනෝහර ට තිවුනා.
" අන්න අර ගැටිස්සි එක්කලා උඹේ මිනිහා පැල් කොටේ ඇතුලේ... මලයණ්ඩී උඹයි නැති වෙලාව බලලා ඒකාගෙ වැඩෙ ආලවන්තකම් පානවා ඔන්ඩ.. ඔන්න උඹට දැක ගන්න ඇහැකි ඇස් දෙකටම මේ ගමන් නම්... මනෝහර ඌට උඹව ඕනෙ නැහැ.. උඹම හිතපන් ඌට හිතෙන්න ඇති මිනිහෙක් ගෙන් ඌට ඕනෙ සැප ගන්න බැරි විත්තිය. ඇරැත් උඹට ඇහැකිද උගෙ නමට බඩ වෙන්ඩ? උඹට ඌට උරුමක්කාරයෙක් දෙන්න බැරි විත්තිය උඹ දන්නවානේ... රජාව පන්නලා ඌට රජකම විප්ලවකාරයෝ අරන් දුන්නාම උගෙ නමට දාව දරුවෙක් එපා යෑ ඌට මනෝහර..."
ධනුද්දරයාගෙ වචන පිහිතුඩු ගානට මනෝහරගෙ හිතට කිඳා බැස්සා. ඒකා වැලි පාර දිගෙ කඳුලු තද කරාන කඩාන බිඳගෙන උන්ගෙ පැල් කොටේ හිටවලා තිවුන වත්තට කඩාන පනිනකොට ඒකා දැක්කෙ පැල් කොටෙන් එලියට එන තවේෂ් සහ ඒකාගෙ අතෙ එල්ලිලා උන්නු ගැටිස්සි. තවේෂ්ව දැක්කා විතරයි මනෝහර ගැස්සුනේ ධනුද්දර කීව වචන මතක් වෙලා.
'උඹට ඇහැකිද උගෙ නමට බඩ වෙන්ඩ?'
මනෝහර වෙව්ලලා ගියේ ඒ ගැටිසි ඒකාගෙ මහත්තයාගෙ අතෙ එල්ලිලා උන්නු නිසා...
"මයෙ මහත්තයා....? නෑ... නෑ... ඒක බොරුවක් නේද මයෙ මහත්තයෝ. ඔය ඇත්තො මෙයැයිට බොරු නෑ කරන්නෙ. මනෝහර ගෙ මහත්තයෝ... ඇයි.. ඇයි.. මේ ගැටිස්සි මේක අස්සෙ මයෙ මහත්තයෝ? මේකි අපේ පැල් කොට මකක්ද කරන්නෙ මයෙ මහත්තයෝ...."
මනෝහර ඉස්සරහට ඇවිදගෙන එනකොට ගැටිස්සිගෙන් අත ගලවා ගත්ත තවේෂ් අඩියක් ඉස්සරහට තිවුවත් ඒකා මක්කවත් දෙඩුවේ නැතුවා.
YOU ARE READING
_මනෝහර_
Fantasy" මහා කෝළ සන්නි යක්ක උත්තමයගෙ අවතාර දහ අටෙන් ඉපදුණු සන්නි දහ අට දැක්කට ඔය ඇත්තො තාම කිඳුරු සන්නිය දැකලා නෑ නොවැ. ඔන්න බලා ගනිල්ලා මේකයි කිඳුරු සන්නිය!! " Cover credit goes to : lchi_jk
