_මනෝහර_

12: බූවලු ලොකු හාමු

කමෙන්ට් ගෝල් 50

සෙනේෂ් කට ඇරගෙන බලාන උන්නෙ සාලෙට වෙච්චි වින්නැහිය දිහා. මොන හත්වලාමක්ද මේ පාත් උනෙ කියලා සෙනේෂ්ට හිතා ගන්න බැහැ. ඒ අස්සෙ දොර කඩන්න වගෙ ඇරගෙන ඇතුලට ආව අහර්ශ ඉද්ද ගැහුවා වගෙ නතර වෙලා සාලෙ දිහා කට ඇරගෙන බලාන ඉන්න පටන් ගන්නවා සෙනේෂ් ඇස් කොනෙන් දැක්කා. උගෙ අතෙ තිබ්බ සිගරට් පෙට්ටියත් දැක්කත් සෙනේෂ් ට ඒ මොකක්ද කියල දිරවා ගන්නවත් සිහියක් පතක් තිවුනෙ නැහැ.

ඒ අස්සෙ ජංගි කොටයක් ගහගෙන , පස්ස පැත්ත උඩ දාගෙන දිස්නෙ දෙන්න මැදලා තිබුන පොලොව උඩ පත බෑවිලා පොල් මුඩ්ඩකින් විසාල ගානක් දීලා ගත්ත ටීවී එක සබන් දදා අතුල්ල අතුල්ල උන්න මනෝහර දත් තිස් දෙකම එලියට දාලා හිනාවක් පෑවේ හරි හපන්කමක් කලා වගෙ.

"මයෙ මහත්තයා... තව ඩිංගිත්තක් පරක්කු උනා නම්... මනෝහර මේ දැනුයි මේ කලු පාට ලී පතුර මදින්න ගත්තෙ මයෙ මහත්තයෝ...."

මනෝහර ඒ තියෙන්නෙ ටීවී එකක් කියලා දන්නෙ නැහැ. ඒක අස්සෙ යන රූපරාමු ගැනත් ඒකට නිනවුවක් නැහැ. එදා හොටෙල් ඒක ඇතුළෙ උන්නු මෝරෙක් ගන්න හොටෙල් එකෙ ටීවී එක මනෝහර බින්දයින් පස්සෙ සෙනේෂ් මනෝහර අහල පහල ගෑවිච්ච මොහොතකවත් ටීවී එක ඔන් නොකරන්න වග බලා ගත්ත නිසා මේ කලු පාට විසාල ලී පතුරකට මෙහා දෙයක් කියලා මනෝහර අනුමාන කලෙ නැහැ.

"ම - නෝ - හ - ර !!!!!!"

සෙනේෂ් යටිගිරියෙන් බෙරිහන් දෙනකොට මනෝහර පස්සට විසි උනා. ඇස් දෙක බෝල ගෙඩි දෙකක් කරගෙන පොල් මුඩ්ඩ පපුවට තුරුලු කරගෙන මනෝහර සෙනේෂ් දිහා බලාන ඉන්නකොට සෙනේෂ් දත් මිටි කෑවා. ඇස් දෙක වහ ගත්ත සෙනේෂ් සන්සුන් වෙන්න උත්සාහ කලේ මනෝහර ගෙ අහිංසක කම පිරුණු මූණ දිහා බලාන හොඳ කුණු හරප දෙකක් කියලා බෙරිහන් දෙන්න බැරි නිසා.

"දහය , නවය , අට , හත , හය , පහ...."

"ඇයි මයෙ මහත්තයා ඉලක්කම් දොඩන්නේ? ඒකත් යටි අතට? මයෙ මහත්තයො ඔය අතට නෙවෙ අනිත් අතටයි දොඩන්න ඕනෙ.. මනෝහර කියා දෙන්නද? මනෝහර හරි හපනා ඉලක්කම් වලට. සිංහලෙන් විතරක් යෑ.. මනෝහර ට ඇහැකී පාලියෙනුත්...."