කමෙන්ට් ගෝල් 50
සෙනේෂ් මනෝහර ගෙ උකුල මත්තෙ ඔලුව තියාගෙන උන්නා. ඇවිදින මංතීරුව අයිනේ ගලාගෙන යන පුංචි ඇල පාරක් අයිනේ මල් තොගයක් වවලා තිවුනෙ තමන් ඉන්නෙ කොලඹද නැත්තං නුවර එලියෙ හද්ද පිටිසර ගම්මානයකද කියලා හිතා ගන්න බැරි වෙන තරම් සුන්දරත්වයක් එකතු කරන ගමන්. සෙනේෂ් එතන තිවුනු මල් කඩාන , අමු ඉරට්ටක් පොල් පැලේකින් කඩාන මනෝහර ගෙ ඔඩෙක්කුවට ඔලුව තියාන ඒ ගමන මල් ඔටුන්නක් ගොතන්න අරගෙන.
මේකා හීන් සීරුවේ කරන විකාරේ දිහා බලාන මනෝහර සෙනේෂ් ගෙ හිසකෙස් හීනියට පිරි මැද්දා. මූණ මාස්ක් එකකින් ආවරණය වෙලා තිවුනාට මනෝහර ට හොඳටම විශ්වාසයි සෙනේෂ් ගෙ තොල් යන්තම් වම් පැත්තට බර වෙලාය කියලා. ඒකා අවදානය දීගෙන වැඩක් කරනකොට ඒකා කට පැත්තකට කර ගන්න ඉරියව්ව මනෝහරට හොඳටම පුරුදුයි. විනාඩි ගනනාවක්ම මේකාගෙ කෝලම් දිහා ඒකගෙ හිස පිරිමදින ගමන් මනෝහර බලාගෙන.
ඒ වෙනකොට මනෝහර ගෙ හිත ආලෙන් පිරිලා. පොද වැස්සට ඇඳගෙන ඉන්න කමිසෙ ගලවලා මනෝහර ගෙ හිස ආවරණය කරපු විදිය වගේම මනෝහර ගෙ තෙමිච්ච අත පය පිහ දාලා ආයෙම ඒ කමිසෙ ඇඳ ගත්ත විදිය මනෝහර සෙනේෂ් දිහා බලාන මෙනෙහි කරනකොට මනෝහරගෙ ආලවන්ත හිත තවත් ආදරෙන් පිරිලා ගියා." මයෙ පපුවට බර වැඩී මයෙ මහත්තයා.. මනෝහර ආසාම මේ පුංචි පුංචි දේවල් වලටනේ ඔන්න"
මනෝහර මුමුණනකොට මල් ඔටුන්නෙ වැඩ අහවර කරලා ඒකට තිත තියන්ඩ ගිය සෙනේෂ් ඔලුව උස්සලා මනෝහර දිහා බලලා යන්තම් රැව්වා.
"මොනවද උඹ ඔය කසු කුසු ගාන්නේ ආ?"
"මොකුත් නැතුවා මයෙ මහත්තයා"
YOU ARE READING
_මනෝහර_
Fantasy" මහා කෝළ සන්නි යක්ක උත්තමයගෙ අවතාර දහ අටෙන් ඉපදුණු සන්නි දහ අට දැක්කට ඔය ඇත්තො තාම කිඳුරු සන්නිය දැකලා නෑ නොවැ. ඔන්න බලා ගනිල්ලා මේකයි කිඳුරු සන්නිය!! " Cover credit goes to : lchi_jk