_මනෝහර_

31 : පළඳනාව

කමෙන්ට් ගෝල් 50

" අහ් සෙනේෂ් ආවද? තාම පලඳනාව ගෙනාවේ නම් නැහැ. ඒක නෙවෙයි සෙනේෂ් මම ගොඩක් වෙලා සම්නායක ඇමති ගෙ මුරකාරයො කිව්ව දේ ගැන කල්පනා කලා. අර කිඳුරු රාජධානිය..."

මහාචාර්ය සමුද්ධ කියනකොට සෙනේෂ් ඔලුව වැනුවා. මනෝහර සෙනේෂ් ගෙ අතෙ එල්ලිලා උන්නේ. ඒකා සෙනේෂ් ගෙ අතෙ ඇඟිලි එක්ක මොකක්දො ජවුසමක් නට නට උන්නා උනත් මහචාර්ය සමුද්ධ ' කිඳුරු රාජධානිය ' ගැන සඳහන් කලා විතරයි ඒකා සෙනේෂ් ගෙ අතත් එක්ක කරන නාඩගම නතර කලා. මනෝහර ගෙ වෙනස සෙනේෂ්ටත් තේරුනාට ඒකා ඒ වගක් පෙන්වන්න ගියේ නැතුවා. ඒකා නිහඬවම මහාචාර්යවරයා දිහා බලාන උන්නාට හිත දිව්වෙ වෙන පැත්තකට

' ඇයි මගෙ ඇගිල්ලෙ එල්ලිලා ඉන්නෙ නැතිව මේකා මාව අත ඇරියෙ. මේ කෝලම මගෙ ඇගිල්ලෙ එල්ලිලා ඉන්නවාට මම කොච්චර... අයිෂ් සෙනේෂ් උඹට මොන මදන යකෙක් වැහිලද? ඇරත් කොල්ලෙක් හින්දා ඔහොම... ඒකත් මූ හිටු කියලා අමු පිස්සෙක්. පාඩුවෙ ප්‍රොෆෙසර් කියන මළ දානෙකට හ්ම් කියලා හිටු බහු බූත නොහිත!!'

සෙනේෂ්  තමන්ටම කියා ගෙන මහචාර්ය සමුද්ධ කියන ඉලව්වට කන් දෙක යොමු කලා.

" කලිනුත් කිව්වා වගේ අපි කොහොමත් රිසර්ච් එකක් කලා ඇට්ලන්ටිස් තියෙන්නේ ලංකාවේ මූද යටද කියලා. ඇට්ලන්ටිස් ගිලුණු නගරය ලංකාවට අයත් මූදු තීරයෙ කොහෙ හරි අස්සක තියනවා කියලා අපි අනුමාන කරන්න ගත්තේ කිසිම රජකාලෙකට අයිති නැති වටිනා ආභරණ අහු වෙන්න ගත්තාම මූද අස්සෙ තිබිලා. ඒත් සෙනේෂ් හිතෙන්නෙ නැද්ද ඒ ඇත්තටම ඇට්ලන්ටිස් නෙවෙයි නම්.. ඇට්ලන්ටිස් කියන්නෙ පුරාවෘත්තයක් විතරක් උනා නම්...."

මහාචාර්ය සමුද්ධ වේගයෙන් හුස්ම ගත්තා. මහාචාර්ය සමුද්ධ හිටියෙ කුතුහලයෙන් වගේම උනන්දුවෙන් පිරිලා කියලා සෙනේෂ්ට තේරෙන්න වැඩි වෙලාවක් ගියෙ නැහැ. වසර ගානක් මූද , රාජ්ය නීති වලට ගරු කරන ගමන් හාර හාර හොයා ගත්ත මල ඉලව්වලට වටිනාකමක් දෙන්න නම් ඒවා පාත් උනෙ මොන දීපංකරයෙන්ද කියලා පෙන්වන්න ඕනා. නැත්තං ඒවා නිකන්ම නිකන් වැදගත්කමට නැති කෞතුක භාණ්ඩ ගොඩටම වැටෙන විත්තිය මහචාර්යවරයා දන්නවා.